+ Tennis-Grand-Slam-Turneren Turneer Oort Opkamen Termin Belag Australian Open Melbourne 1905 Januar Hardplatz French Open Paris 1891 Mai/Juni Sand Wimbledon London 1877 Juni/Juli Rasen US Open New York 1881 August/September Hardplatz Grand Slam (eng. för groten Slag) warrt in’n Tennissport to dat Winnen vun de veer wichtigsten Turneeren (Grand-Slam-Turneren) in een Klennerjohr seggt.

De Turneren (rechts in de Tabell) lohnt vun all Turneren in’t Johr vör de Tennisspelers an’n dullsten – wat (blangen dat Masters) dat Priesgeld angeiht aver ok de Punkten op de Tennis-Weltranglisten. All Grand-Slam-Turneren warrt in’t K.o.-System jeed över en Tietruum vun twee Weken utdragen. Den Wettstriet is bi all opdeelt in Enkelt und Dubbelt för Mannslüüd un för Fronslüüd un gifft dat ok as Mixed.

De Beteken Grand Slam De Begreep „Grand Slam“ is in’t Johr 1933 dör den US-amerikaanschen Journalisten John Kieran opbröcht worrn. He söch na en Woort, wat den Plaan vun den Tennisspeler Jack Crawford beschrieven de, de bedüdnesten Turneren op de Welt in een un dat sülve Johr winnen to wullen. Afkeken hett he sik dat Woort vun’t britische Koortenspeel Bridge, woneem dat för’t Winnen vun all Steken för een Partei bruukt warrt. As de bedüdensten Turnere hett Kieran de Turneren vun all de Länner defineert, de bit dorhen den Daviscup wunnen harrn un dorüm ut sien Sicht de wichtigsten Natschonen in’n Tennis-Sport weern. Dat harrn to de Tiet veer Natschonen, neemlich England, de USA, Australien un Frankriek, so dat de Tall vun Grand-Slam-Turneren op veer fastleggt worrn is. So keem dat, dat annere Turneren mit lange Traditschoon, as in Düütschland to’n Bispeel de Internatschonalen Düütschen Meesterschoppen nich den Status vun en Grand-Slam-Turneer kregen hebbt.

Grand-Slam-Winners +Grand-Slam-Winners in’t Tennis Johr Natschoonalität(en) Naam(s) Wettkamp 1938 USA Donald Budge Mannslüüd-Enkel 1951 Australien – Australien Frank Sedgman, Ken McGregor Mannslüüd-Dubbel 1953 USA Maureen Connolly Fronslüüd-Enkel 1962 Australien Rod Laver Mannslüüd-Enkel 1963 Australien – Australien Margaret Smith Court, Ken Fletcher Mixed 1969 Australien Rod Laver Mannslüüd-Enkel 1970 Australien Margaret Smith Court Fronslüüd-Enkel 1984 ČSSR/USA – USA Martina Navrátilová, Pam Shriver Fronslüüd-Dubbel 1988 Düütschland Steffi Graf Fronslüüd-Enkel(Golden Slam) De Grand Slam warrt as de gröttste Spood ansehn, den en Tennisspeler in sien Loopbahn hebben kann. In de Enkeltwettstrieden hebbt dat bit hüüt eerst fief Spelers henkregen. In’n Dubbelt-Wettsriet is dat noch rorer: dat gifft eerst twee Dubbel-Pooren un een Mixed-Poor, de den Grand-Slam wunnen hebbt. Bi’t Dubbelt is denn ok de Fraag, wat dat noch as Grand Slam gellen deit, wenn en Speler mit verschedene Partners winnt. Bit hüüt is disse Form regelmatig aflehnt worrn. Dor is to’n Bispeel Martina Hingis vun bedrapen, de 1998 all veer Turneren vun’t Frons-Dubbel wunnen hett, aver mit twee verschedene Mitspelers op’n Platz weer.

Dat so en Spood vundaag jümmer weniger vörkummt, liggt an de Spezialiseeren, de ok in’t Tennis to sehn is, sünners aver ok an de verschedenen Boddenbelääg vun de Turneerplätz, de dat bannig swoor maakt. To’n Bispeel hett de Grand-Slam-Winner Rod Laver blots op twee ünnerscheedliche Boddenbelääg wunnen, vun wegen dat dat dormols blots Rasenplätz geev, afsehn vun dat traditschonelle French Open in Paris, woneem op Aschen speelt warrt. De US Open weern 1978 to’n eersten mol in Flushing Medaow op’n Hardplatz utdragen. Dorför weer dat Turneer in Forest Hill op Rasen utspeelt un de letzten dree Johren op Sand. De Australien Open sünd 1988 vun de Rasen-Anlaag in Kooyong na’n Flinders Park ümtogen, woneem nu ok op Hardplatz speelt warrt.

Unecht Grand Slam + Unechte Grand Slams Johren Tennisspelersche Wettstriet 1983/84 Martina Navrátilová Frons-Enkel 1992/93 Gigi FernándezNatallja Swerawa Frons-Dubbel 1993/94 Steffi Graf Frons-Enkel 2002/03 Serena Williams Frons-Enkel 2009/10 Serena WilliamsVenus Williams Frons-Dubbel Vunwegen dat de Grand Slam en teemlich roor Begeevnis is, warrt mitünner ok dat Winnen vun de veer Grand-Slam-Turneren in de Reeg – aver nich in’t glieke Johr – as en „unechten“ Grand Slam betekent. To de Winners vun en unechten Grand Slam höört to’n Bispeel ok Martina Navrátilová, de 1983/84 söss Turneren na’nanner wunnen hett. Dat is dat meiste, wat een an Turneren winnen kann, ahn dorbi en echten Grand Slam to winnen.

Golden Slam Wenn en Speler all veer Grand-Slam-Turneren winnt un tosätzlich noch dat Tennisturneer vun de Olympschen Spelen, warrt inoffiziell vun’n Golden Slam snackt. En Golden Slam is bit hüüt eerst eenmol vörkamen, neemlich 1988 dör de düütsche Spelersche Steffi Graf.

Loopbahn-Grand-Slam En Loopbahn-Grand-Slam betekent, wenn en Speler all veer Turneren tomindst eenmol in sien Loopbahn wunnen hett.

Mannslüüd-Enkel De nafolgen Spelers hebbt in jemehr Loopbahn all veer Grand-Slam-turneren wunnen, man nich nödigerwies in een Johr oder in direkte Reeg. 1935: Fred Perry 1938: Don Budge 1962: Rod Laver 1964: Roy Emerson 1999: Andre Agassi 2009: Roger Federer 2010: Rafael Nadal De Johrestallen staht för dat Johr, as de Spelers dat letzte vun de veer Turneren wunnen hebbt Blots Andre Agassi, Roger Federer un Rafael Nadal hebbt jemehrn Loopbahn-Grand-Slam op dree ünnerscheedliche Belägen (Rasen-, Sand- un Hardplatz) maakt. Fröher weer blots op Sand- un Rasenplätz speelt.

Fronslüüd-Enkel De nafolgen Spelersches hebbt in jemehr Loopbahn all veer Grand-Slam-turneren wunnen, man nich nödigerwies in een Johr oder in direkte Reeg. 1953: Maureen Connolly 1954: Doris Hart 1957: Shirley Fry 1963: Margaret Smith Court 1972: Billie Jean King 1982: Chris Evert 1983: Martina Navrátilová 1988: Steffi Graf 2003: Serena Williams De Johrestallen staht för dat Johr, as de Spelersches dat letzte vun de veer Turneren wunnen hebbt

Kategorie:Tennis