Hrant Dink (* 15. September 1954 in Malatya; † 19. Januar 2007 in Istanbul; Հրանտ Դինք, in westarmeenische Utsprake hǝ'ɹand tʰiŋkʰ, in de oostarmeensche Utsprake, de in Armenien begäng is, hǝ'ɹant diŋkʰ, is en Armenier un Borger vun de Törkei ween. He weer Journalist un Rutgever vun dat tweesprakige Wekenblatt Agos, dat in Istanbul rutkamen dö. Natschonalistische Kräfte in Sellschop un Justiz weern siet Johren achter em ran ween, as he up opene Straten dootschaten wurrn is.
Leven Dink is as en Christen in de Armeensche Apostoolsche Karken uptagen wurrn.Reuters: , 20. Januar 2007. Nadem siene Ollern ut’neen gahn sund, is he in armeensche Weeshüser in Istanbul groot wurrn. As Jugendlichen hett he in den Vereen Taksimspor in Istanbul aktiv Football speelt.Radikal: Bir zamanlar Hrant Dink vardı!.. (23. Januar 2011, togrepen an’n 24. Januar 2011) Hrant Dink hett Zoologie un Philosophie studeert. As en Studenten stunn he polietsch up de lunke Siet. Vundeswegen is he na den Militärputsch vun 1980 dreemol achter Trallen kamen. He hett en poor Maande in’t Kaschott seten un hett johrelang keen Pass vun de törkschen Behörden kregen. As in de Midden vun de 1980er Johre de törksche Staat dat armeensche Ferienhuus beslagnahmt hett, wo he in siene Kinnertied in’n Summer de Ferien tobrocht harr, änner sik sien Leven. He weer dormols, tohopen mit siene Fro Rakel, de Vorsitter vun düt Huus. Just so, as Dusende vun annere christliche Egendömer (Karken, Sükenhüser, Scholen) is dat Huus insackt wurrn unner den Vorwand, de armeensche Karken harr dat Grundstück illegal kofft. He hett denn mit siene Bröer en christlichen Bookhannel upmaakt un is anfungen, as en Journalisten aktiv to weern. Rezensionen over Böker hett he meist unner dat Pseudonym Çutak (Vigelien) schreven. 1996 hett he mit en poor Frunnen „Agos“ grünnt, en armeensch Daagblatt, wo ok Saken in besnackt wurrn sund, wo dat Striet um geven dö. De Daagblatt is in twee Spraken rutkamen: Armeensch un Törksch. Hrant Dink is vunwegen „Agos“ unbannig faken vor Gericht stellt wurrn. Ok, wenn gor nix an’e Hand weer. Internatschonal is dor faken over schimpt wurrn. En poor Mol hett he vor Gericht stahn vunwegen „Schimpen up dat Törkendom“, just so, as ok Orhan Pamuk, de den Literatur-Nobelpries kregen hett. In’n Oktober 2005 is he anklaagt wurrn, he harr sik rassistisch gegen de Törken over ütert, vunwegen datt een vun siene Artikels dor vun spreken dö, datt törksche Bloot weer „giftig“. In Würklichkeit harr Dink in den doren Artikel de Diaspora-Armeniers upfoddert, se schollen sik free maken vun ehren olen Haat up de Törken, de ehr Bloot vergiften dö, un se schollen düt „giftige“ Bloot uttuschen gegen dat „reine Bloot“ vun eene normole Relatschoon to ehr Vaderland Armenien. Ut den Tosamenhang reten, is de Satz verkehrt so verstahn wurrn, as wenn dat Bloot vun de Armeniers vergift’ wurrn weer dör en törkschen Andeel. Anners, as en Kommischoon vun Juristen, de sik mit de Saak ut’neen sett hett, vorslahn harrRadikal: Hrant Dink'i 'yakan' yazılar, 10. Oktober 2005. Togrepen an’n 29. Januar 2007 is Dink verordeelt wurrn to sess Maande achter Trallen up Bewährung.Üstün Bilgen-Reinart: , opendemocracy.net, 7. Februar 2006. Zugriff am 27. Januar 2007Yıldırım Türker: Hrant'ın hikâyesi, Radikal, 24. Juli 2006. Togrepen an’n 17. Januar 2007 Sien Beropen gegen düt Ordeel is 2006 vun de Törkei ehrn böversten Gerichtshoff afwiest wurrn. Dree wietere Anklagen sund bi sien Dood noch verhannelt wurrn, unner annern, vunwegen, datt he schreven harr, datt de Völkermoord an de Armeniers in dat Osmaansche Riek dat tostanne kregen harr, „dat en Volk, wat 4000 Johre up düssen Grund leevt hett, utrott’ wurrn is“Ö1-Inforadio: , 19. Februar 2007. Togrepen an’n 27. Januar 2007 Nadem he verordeelt wurrn weer, sund de Angreepe up Hrant Dink „offiziell“ stöhnt wurrn, hett de NZZ tohopen faat.NZZ Online: Politische Bluttat in der Türkei geklärt, 21. Januar 2007 Dink is denn in’n Oktober 2006 vor den Europääschen Gerichtshoff for Minschenrechte tagen, man ehr datt dor en Oordeel spraken wurrn is, weer he al an de Siet maakt.FAZ.net: Provokation für die türkischen Nationalisten, 22. Januar 2007 In sien lesten Artikel for de Tiedschrift „Agos“ lett Dink sik dor over ut, wie he vun „sunnerliche Kräfte“ utsocht wurrn weer to’n „Teel“ un wie dat, wat he seggt harr, to’n Instrument vun siene Fiende maakt wurrn weer. Unner annern harr de Afkaat Kemal Kerinçsiz, de dor nich mit achten Barg holen dö, datt he en Natschonalisten weer, em jummers wedder vor Gericht sleept. De Justiz in de Törkei weer avers nich unafhängig un he kreeg elken Dag wedder nee Breeve, de em an’t Lief wullen.Tagesspiegel-online: "Ich bin wie eine Taube", 22. Januar 2007FAZ.net: Provokation für die türkischen Nationalisten, 22. Januar 2007
Dink warrt an de Siet maakt An’n 19. Januar 2007 is Dink in Istanbul vor dat Huus vun den „Agos“-Verlag dootschaten wurrn.tagesschau.de:, 19. Januar 2007Reuters: Türkisch-armenischer Journalist Hrant Dink erschossen, 19. Januar 2007ORF: Türkisch-armenischer Journalist erschossen, 19. Januar 2007 En Ogentüge, Muharrem Gözütok, hett utseggt, de Mörder harr bi dat Weglopen ropen: „Ik hebb en Wannglöövschen dootschaten“. Daily Telegraph: Pro-Armenian journalist shot dead in Turkey, 21. Januar 2007Reuters (via Yahoo): Turkish-Armenian editor shot dead in Istanbul, 19. Januar 2007 Törksche Borns hefft slank mellt, dat de Mann, de Dink wohrschienlich dootschaten hett, in Samsun grepen wurrn is. Sien Naam weer Ogün Samast. Tein annere Lüde, de dor wat mit to kriegen hebben schöllt, sund ok grepen wurrn. Samast sien Vadder hett den Söhn up en Video kennt, wat opentlich utstrahlt wurrn is. He hett de Polzei denn en Henwies geven.FAZ: Jugendlicher gesteht Mord an Hrant Dink, 21. Januar 2007 Ministerpräsident Erdoğan hett kloor maakt, dat de Mann fastnahmen wurrn is.Hürriyet: İşte katil zanlısı - Das ist der mutmaßliche Mörder, 20. Januar 2007 De 16-johre ole Jung, de midderwielen togeven hett, dat he dat weer, de Dink an’e Siet brocht harr, un den dat gor nich leed deitFAZ: Jugendlicher gesteht Mord an Hrant Dink, 21. Januar 2007CNN: , 21. Januar 2007, stammt ut de Stadt Trabzon an de Swarte See. In düsse sülvige Stadt weer een Johr vordem de Kathoolsche Preester Andrea Santoro, ok vun en 16-Jöhrigen, umbrocht wurrn.AsiaNews: , 9. Februar 2006 Fro Dink hett later meent, bi den Moord an Santoro harr man en beten akraater henkeken weern schollt, denn weer unner Umstänn de Anslag up ehrn Mann nich mööglich ween. De Perzess gegen Santoro sien Mörder hett achter verslaten Dören statt funnen, vundeswegen is dor nix over bekannt wurrn.Radio Vatikan: Türkei: Bischof sieht Verbindungen zwischen Santoro und Dink, 5. Februar 2007 CNN Türk schrifft, Samast harr utseggt: „Ik hebb em na dat Freedaggebeet doot schaten. Mi deit dat nich leed“.AFP (via Yahoo): Turkish teenager confesses to killing journalist, 21. Januar 2007 De junge Mann hett keen Arbeit, warrt seggt, un he schall in de beiden Weken vor den Anslag fiev Mol mit en private Fleger-Sellschop na Istanbul henflagen sien.Journal of Turkish Weekly: , 21. Januar 2007 As Grund for den Moord hett he angeven, sien Opper harr up dat törksche Volk schimpt. „Ik hebb in’t Internett lesen, dat he seggt hett: Ik bün ut de Törkei, man Törkenbloot is schietig“, hett he verklaart.Die Presse: , 21. Januar 2007 De Törkei ehre Polzei unnersocht, of dat en Tosamenhang gifft twuschen de Ansläge up Dink un up Santoro.New York Times: Turkish Police Arrest Teenage Suspect in Editor’s Killing, 20. Januar 2007 Vunwegen dat de beiden jungen Lüde, de de Ansläge utöövt hefft, noch nich grootjöhrig sund, hett de Präsident vun de Afkaten-Kamer vun Istanbul, Kazım Kolcuoğlu, seggt, in de Törkei keem dat vor, dat minnerjöhrige Jungs for Moordansläge insett’ weert, vunwegen dat se nich so harte Strafen kriegt, as Grootjöhrige.New York Times: Turkish Police Arrest Teenage Suspect in Editor’s Killing, 20. Januar 2007 Ok de natschonalistische Afkaat Kemal Kerinçsiz, de Dink, Orhan Pamuk un annere anklaagt harr up Grundlaag vun Artikel 301, meent, achter den Moord stunn en Grupp, de sik verswaren harr. Na dat Daagblatt „Zaman“ hett he seggt: „Ik glööv nich, dat en Mann dat alleen maakt hett, blot, vunwegen dat Dink siene Ansichten em nich gefallen hefft“Zaman (via Today’s Zaman): , 20. Januar 2007 Dat törksche Daagblatt Hürriyet hett schreven, de natschonalistische törksche Extremist Yasin Hasal harr togeven, he harr for Ogün Samast en Pistool un ok Geld besorgt. Hayal weer al in dat Johr 2004 to ölben Maande Haft veroordeelt vunwegen en Anslag up en McDonald’s-Restaurant.Spiegel.de: Extremist soll Jugendlichen zu Journalistenmord angestiftet haben, 22. Januar 2007 De törksche Binnenminister Abdülkadir Aksu hett en Troerbesöök maakt bi Hrant Dink siene Weetfro Rakel Dink un hett achterher bekannt maakt, dat de wichtigsten Lüde in’n Achtergrund vun den Anslag nu in Haft nahmen sund, um de Saak wieter to unnersöken.zaman.com.tr: İçişleri Bakanı Aksu: Cinayetin arkasındaki güçlerin önemli kısmı yakalandı, 22. Januar 2007 Ogün Samast is an’n 25. Januar in dat Gefängnis Bayrampaşa in Istanbul brocht wurrn. Na sien Afkaten Levent Yıldırım hett sien Klient nix mit Terror-Organisatschonen to kriegen. He hett avers düütlich maakt, dat Samast unner den Infloot vun sunnerliche Lüde stahn hett. Yildirim meent ok, anners as dat in Daagblöer un Tiedschriften stunn, dö dat Samast leed, wat he daan hett.todayszaman.com: , 25. Januar 2007 Dink hett en Fro un dree Kinner torüch laten.
Wat in de Törkei seggt wurrn is De törksche Ministerpräsident Erdoğan hett den Anslag as en „gruulich Verbreken“ verordeelt. Bi dat Gräffnis is he avers nich biween, ofschoonst he vordem seggt hett, de Moord an Hrant Dink, dat weern „Schöte up de Törkei“ ween. He hett seggt, he konn helaas nich kamen, vunwegen dat he en Autobahn-Tunnel in Deenst stellen möss. Ok de törksche Präsident Ahmet Necdet Sezer hett den Anslag up Dink scharp verordeelt, is avers, just so al all Topp-Politikers vun dat Land, nich to dat Gräffnis kamen.Der Standard: Türkisch-armenischer Journalist bei Anschlag in Istanbul getötet, 19. Januar 2007Der Spiegel: Wir sind alle Armenier, 23. Januar 2007Tagblatt: Die geleugnete Geschichte, 26. Januar 2007
Dusende vun Törken weern an’n Avend vun’n 19. Januar in Istanbul un Ankara spontan up’e Straten gahn un hefft gegen den Moord protesteert. Jummers wedder hefft se in luten Chor ropen: „Wi sund all Hrant Dink, wi sund all Armeniers“.Die Welt: „Dink war die Stimme der Armenier in der Türkei“, 19. Januar 2007
Bi Dink sien Gräffnis weer de Tog achter’n Sark ran bi acht Kilometer lang un hunnertdusend Lüde sund mitgohn. Ut mobile Luutsprekers weer dor dat Leed "Sarı Gelin" (De blonne Bruut) bi to hören. Dat Leed warrt up Törksch un Armeensch sungen un vertellt de Geschicht vun en törkschen, muslimschen Jungen un en armeensche, christliche Deern. Ofschoonst de beiden sik dull leev hefft, könnt se to’nanner nich kamen un dröövt nich freen.
De törkschen Medien hefft alltohopen düütlich maakt, wat se vun de Sake hoolt. Dat Daagblatt mit de starkste Uplage, „Hürriyet“, hett schreven, de Mörder harr de törksche Natschoon in’n Steek laten un de liberale „Milliyet“ hett schreven: „De Minschen hefft Hrant Dink bi dat Gräffnis nich alleen laten“ un „Hrant Dink is de Törkei“.
Orhan Pamuk, de den Nobelpries for Literatur kregen harr, hett meent, de törksche Regeerung, de weer dor mit Schuld an, dat de Journalist an’e Siet maakt wurrn weer. Dink weer vunwegen dat, wat he to den Völkermoord vun 1917 seggt harr, to’n Staatsfiend wurrn, wo se dat all up afsehn harrn. As allerhand annere Intellektuelle in de Törkei hett he sik dor luuthals for stark maakt, de fatale Paragraph 301 („Schimpen up dat Törkendom“) scholl endlich afschafft weern.Wiener Zeitung: Hunderte zu Begräbnis von Hrant Dink erwartet, 22. Januar 2007Susanne Güsten: Pamuk sieht Mentalität des Lynchens, Der Tagesspiegel, 23. Januar 2007