Neddersassen [ˈneːdɐzassn̩] (hoogdüütsch Niedersachsen, saterfreesch Läichsaksen, ofkörten as NDS) is een Land, dat in de Noorden liggt, un een Deel vun de Bundsrepubliek Düütschland is. Dat Bundsland entstunn na de tweeden Weltkrieg ut den Lanner Hannober, den Freeistaaten Brunswiek, Ollnborg un Schaumburg-Lippe.
Neddersassen is mit rund rund 47.600 km² vun den 16 düütschen Bundslanner dat tweedgröttste Bundsland achter Bayern, un mit de Tahl vun Inwahners op den veert Platz mit 8 Millionen Inwahners. De Hööftstadt is Hannober. Neddersassen liggt an de Waterkant vun de Noordsee.
Land un Inwahners
Geografie
Neddersassen hett 10 Navers. In de Noordoosten navert dat mit Sleswig-Holsteen, Hamborg un Mekelborg-Vörpommern. In'n Oosten navert Neddersassen een lütt Enn Brannenborg un an Sassen-Anholt. In'n Süüdosten is Döringen. In'n Süden sünd Hessen un Noordrhien-Westfalen. In'n Westen liggt dat Königriek vun de Nedderlannen. Na Noordwesten to liggt de Noordsee mit de Düütsche Bucht. Dat Land Bremen billt en Enklaav un Naver binnen Neddersassen.
Spraken un Dialekten
In heel Neddersassen, mit Utnahm vun en Deel vun de Harz un lütte Rebeden an de Grenz na Döringen, warrt traditschonell Plattdüütsch snackt. Dat gifft ok noch en lüttje Överbliffsel vun de old freesche Spraak, dat Saterfreesch in’t Saterland. Vandaag is aver ok överall in Neddersassen Hoogdüütsch begäng.
Stroom De groten Strööm, de dör dat Land fleten doot, sünd de Eems, de Werser un de Elv.
Historie
In de Historie was Neddersassen dat Rebeet, woneem dat Volk vun de Sassen leev. Ut dynastisch Grünnen güng de ole Naam Sassen an dat Bundsland Sassen över, wo kene Sassen leven dein, un för dat fröhere Sassen wöör de Naam Neddersassen präägt. Neddersassen was deelt in dree Delen: Westfalen, Oostfalen un Noordneddersassen. Vun disse Namen hebbt ok de Dialekten vun de neddersassischen Spraken de Namen vun. De Ünnerscheed twüschen denn un dat Bundsland vundaag is dat nu ok Oostfreesland dortohöört, aver grote Delen vun Westfalen nich mehr.
Politik
Ministerpräsidenten
1946–1955: Hinnerk Willem Kopp SPD1955–1959: Hinnerk Hellweeg DP1959–1961: Hinnerk Willem Kopp SPD1961–1970: Georg Diederichs SPD1970–1976: Alfred Kubel SPD1976–1990: Ernst Albrecht CDU1990–1998: Gerhard Schröder SPD1998–1999: Gerhard Glogowski SPD1999–2003: Sigmar Gabriel SPD2003–2010: Krischan Wulff CDU2010–2013: David McAllister CDU2013–: Stephan Weil SPD
Städer Auerk Buxthu Bookholt Brunswiek Celle Chöttingen Cuxhoben Dannenbarg Demost Emden Gifhorn Goslär Hameln Hannober Helmstidde Hilmessen Holtsminne Hoya Jever Leer Lingen (Ems) Lümborg Meppen Nörden Nienborg (Werser) Nothoorn Ollnborg Ossenbrügge Paane Papenbörg Rodenborg (Wümm) Schöppenstidde Snevern Soltgitter Stood Syke Uelzen Vechte Visselhöövd Weener Westerstäe Willemshaben Winsen Wulfenbüttel Wulfsborg Zeven
Annere Gemeenden: Soltbiärgen
Landkreisen Koort vun Neddersassen mit de Kreise intekent Ammerland Auerk Groafschup Bentem Celle Cloppenborg Cuxhoben Deefholt Emsland Freesland Gifhorn Goslär Chöttingen Hameln-Purmunt <li> Hannober <li> Horborg <li> Helmstidde <li> Hilmessen <li> Holsminne <li> Leer <li> Lüchow-Dannenbarg <li> Lümborg <li> Nienborg <li> Northeim <li> Ollnborg <li> Ossenbrügge <li> Oosterholt<li> Ostroe <li> Paane <li> Rodenborg <li> Schaumborg <li> Heidkreis <li> Stood <li> Uelzen <li> Vechte <li> Veern <li> Wersermasch <li> Wittmund <li> Wulfenbüttel
Weblenks
Websteed vun’t Bundsland Neddersassen (plattdüütsch) Neddersassische Verfaten (plattdüütsch)
!