Norwegen (norweegsch Norge, Noreg oder Norga) is en Keunigriek, wat in’n Noorden vun Europa an’t Europääsche Noordmeer liggt (Skandinavien). Navers sünd Finnland, Russland un Sweden. De Hööftstadt is Oslo.
Spraken Amtsspraak is Norweegsch, in’n Norden ok Lappsch un Kveensch.
Geographie Norwegen is mit 385.252 km² en beten grötter as Düütschland, hett aver blots 5,6 Millionen Inwahners (Stand 2025). Dat Land streckt sik ut över ene Längde vun 3000 km vun Kristiansand in’n Süden bit Hammerfest in’n polaren Norden un Kirkenes an de Grenzscheed to Russland. Norwegen is bekannt för siene Fjordküst.
Staat Dat Parlament vun Norwegen löös 1905 de Union mit Sweden up. Een halv Jahr later worr de däänsche Prinz Carl as norweegsche König Haakon (1872-1957) vereedigt. As de düütsche Wehrmacht an’n 9. April 1940 dat Land besetten de, gung he in’t Exil na England un keem in’n Mai 1945 trügg. Dat Land hett de NATO mit grünnt, aver in twee Afstimmen weer dat Volk dargegen, in de EU intoträen. De Verfaten is demokraatsch, de Traditschoon is ok vun’e Hansetiet prägt.
Dör dat Ööl un Gas, dat siet de söventiger Jahren ut de Noordsee föddert warrt, is Norwegen to een vun de rieksten Länner up de Welt worrn.
Norwegen is indeelt in 15 Ämter (Fylke), de in fief Landsdelen liggt, de blots statistischen Zweck hebbt. De Ämter sünd wedder indeelt in Kommunen, vun de dat 357 gifft (Stand 1. Januar 2024).
#AmtHööftstadt3 OsloOslo11 RogalandStavanger15 Møre un RomsdalMolde18 NordlandBodø31 ØstfoldSarpsborg32 AkershusOslo33 BuskerudDrammen34 InnlandetHamar39 VestfoldTønsberg40 TelemarkSkien42 AgderKristiansand46 VestlandBargen50 TrøndelagSteinkjer55 TromsTromsø56 FinnmarkVadsø
Borns
Weblenken
Norwegen – de offiziell Siet in Düütschland
Kategorie:Land Kategorie:Norwegen