De Süüdsudan (eng.: Southern Sudan oder ok South Sudan, ) is en Republiek in Afrika, in'n Süden vun den Sudan. Vun dat Johr 2005 af an weer he en autonome Region binnen de Republiek Sudan. Vun'n 9. bit to'n 15. Januar 2011 hett dat en Referendum over de Unafhängigkeit geven. Dor hefft 99% for de Unafhängigkeit vun den Süüdsudan vun'n Sudan bi afstimmt.http://www.taz.de/1/politik/afrika/artikel/1/wer-ist-aus-dem-sueden-und-wer-nicht/, www.taz.de, 9. Dezember 2010Dominic Johnson: Südsudan stimmt für Unabhängigkeit, in: taz.de, 21. Januar 2011 De Unafhängigkeitsverkloren weer denn an' 9. Juli 2011.Simone Schlindwein: Ergebnis besser als im Sozialismus, in: taz.de, 30. Januar 2011Independence beckons, in: The Economist, 6. Januar 2011 As tokommen offiziell Landsnaam wurr Republic of South Sudan (RoSS) fastleggt.Sudan Tribune, 16. Februar 2011, South Sudan political parties to discuss flag and currency Thursday
Geographie De Witte Nil ströömt dör de Kuntreien un bringt dor dat Sumpland Sudd bi tostanne. Den Nil sien Nevenstroom Bahr al-Arab (Kiir) maakt, groff seggt, den noordwestlichen Deel vun de Grenz to'n Sudan ut. Wie de Grenz verlopen deit, is avers noch nich akraat fast leggt. Nich blot um de Gemarken vun Abyei, wo dat veel Eerdööl geven deit, man ok um annere Kuntreien an de Grenz mit Weideland un Rohstoffe gifft dat Striet. So en Kuntrei is unner annern de Enklave vun Kafia KingiSergio Peçanha: The Tough Task of Defining Sudan’s North-South Border, in: New York Times, 15. Januar 2011.. In'n Norden vun den Süüdsudan gifft dat sunnerlik Savannen un Dröögwolden, in'n Süden wasst Troopsch Regenwoold.
Inwahners As in den ganzen Sudan in dat Johr 2008 de Inwahners tellt wurrn sund, dor is offiziell bi rutkamen, datt in'n Süüdsudan bi 8,26 Mio. Inwahners leven doot. Dat sund um un bi 22 % vun all Inwahners vun den Sudan. De Regeerung vun den Süüdsudan hett düsse Tahlen avers nich gellen laten. Se hett den Norden vörsmeten, datt se de Inwahnertahl in'n Norden to hooch un in'n Süden mit Afsicht to ring ansetten deit. Se geiht dor vun ut, datt in'n Süüdsudan bi een Drüddel vun all Inwahners vun'n Sudan leven doot.Maggie Fick: S. Sudan Census Bureau Releases Official Results Amidst Ongoing Census Controversy, in: enough Project, 8. Juni 2009Isaac Vuni: South Sudan parliament throw outs census results, in: Sudan Tribune, 7. Juli 2009
De grottste Volksgrupp sund de Dinka. Se höört to de Niloten mit to. Denn gifft dat ok noch de Nuer un de Schilluk, de ok to de Niloten tohöörn doot, de Azande un noch en ganze Reeg vun annere Gruppen. Sunnerlich bi de Froenslüde gifft dat allerhand Lüde, de nich lesen un nich schrieven könnt. 20 - 34 % vun de Inwahners hett nich noog to eten.
In'n Süüdsudan leevt, anners as in'n Norden mit siene Mehrheit vun Muslime, to'n groten Deel Christenlüde un Animisten. De Christenlüde höört tomeist to de kathoolsche oder to de Anglikaansche Kark.
Dat warrt annahmen, datt bi 4 Mio. Süüdsudanesen in'n Nordsudan oder in't Utland leven doot, wiel se for den Börgerkrieg utbüxt sund. 2006 is mol taxeert wurrn, datt um un bi 3 Mio. vun jem wedder torüch wüllt in ehre Heimat.From North to South: Sudan's displaced head home, in: IRIN News, 20. April 2006 Sünners vör dat Unafhängigkeitsreferendum in' Januar 2011 keem dat to gröttere Rückkehrbewegungen.Southern returnee deluge leaves aid workers in a quandary, in: IRIN News, 28. Dezember 2010. Afropen an'n 4. Januar 2011.
Politik Dat Parlament vun dat Land is de Gesettgevend Versammeln mit 171 Setels. Se sett sik tohopen na dat, wat in'n Fredensverdrag vun 2005 afmaakt wurrn weer.Auswärtiges Amt An'n 14. Juli 2011 is de Süüdsudan as 193. Staat Liddmaat vun de Vereenigten Nationen wurrn.UN welcomes South Sudan as 193rd Member State, in: UN News Centre, 14. Juli 2011. An'n 27. Juli 2011 hett de Afrikaansche Union den Süüdsudan as 54. Staat upnahmen., Medienmitteilung der AU, 28. Juli 2011.
Belege
Kategorie:Sudan Kategorie:Afrika