De Junior Eurovision Song Contest (JESC) is en Aflegger vun den Eurovision Song Contest (ESC), an den junge Singers und Singersches ünner de ESC-Öllersünnergrenz vun 16 Johren deelnehmen künnt. Bit 2006 geev dat en Öllersünnergrenz vun 8 Johren, siet 2007 gellt de högere Grenz vun 10 Johren. Bit hüüt is de Veranstalten noch vun keen düütschen Senner utstrahlt worrn, un Düütschland hett ok noch nich an den JESC deelnahmen. De Leder mööt in de Natschonalspraak vun de Künstlers vördragen warrn un müssen bit 2007 ahn professchonelle Ünnerstütten vun jem sülvst in Text un Musik sülvst verfaat wesen. Siet 2008 drööft ok professchonelle Künstler an de Warken mithelpen.

Historie Vörbild för den Musikwettstriet weer de skandinavische Melodi Grand Prix Nordic, de in’t Johr 2006 in en däänsch-norweegsch-sweedsche Tosamenarbeit produzeert worrn is. In’t däänsche Radio is en glieken Wettstriet al 2001 afhollen worrn, man blots op natschonale Even. De Europääsche Rundfunkunion (EBU) hett de Idee opgrepen un geev an Däänmark den Opdrag, den eersten Junior Eurovision Song Contest to veranstalten.

De apentlich-rechtlichen Senner vun Däänmark un Norwegen hebbt sik 2006 ut den Wettstriet torüchtogan. As Grund weer dorför angeven, dat de Kinner to starken Druck utsett weern. Doröver is kontrovers diskuteert worrn. Tosamen mit dat sweedsche Feernsehn sünd se to’n ollen MGP Nordic torüchkamen. In Sweden hett de Privatsenner TV4 den JESC den utstrahlt, man in de beiden annern Länner weer keen unafhangigen Senner intresseert mittomaken. De britische Senner ITV hett mit de Veranstalten in de letzten Johren keen go’e Inschaltquoten kregen un weer dorüm – ok siet 2006 – nich mehr intresseert, den JESC wieter uttostrahlen.

Johr Winner Spraak Interpret Leed Översetten Oort 2003 20px Kroatien Kroaatsch Dino Jelusić Ti si moja prva ljubav Du büst mien eerste Leef Kopenhagen,20px Däänmark 2004 20px Spanien Spaansch María Isabel Antes muerta que sencilla Lever dood as gewöhnlich Lillehammer,20px Norwegen 2005 20px Wittrussland Russ’sch Ksenia Sitnik My wmeste Wi sünd tosamen Hasselt,20px Belgien 2006 20px Russland Russ’sch Tolmatschow-Tweeschen Wesennij Dschas Fröhjohrsjazz Bukarest,20px Rumänien 2007 20px Wittrussland Wittruss’sch Alexey Zhigalkovich S druzyami Mit Frünnen Rotterdam,20px Nedderlannen 2008 20px Georgien Fantasiespraak Bzikebi Bzzz – Limassol,20px Zypern 2009 20px Nedderlannen Nedderlännsch Ralf Click clack Klick-klack Kiew,20px Ukraine 2010 20px Armenien Armeensch Vladimir Arzumanyanhttp://eurovisiontimes.wordpress.com/2010/11/20/armenias-vladimir-arzumanyan-wins-junior-eurovision-song-contest-2011/#comment-1662 Mama Mama Minsk,20px Wittrussland 2011 20px Georgien Georgisch Candy Candy Music Snökermusik Eriwan,20px Armenien 2012 20px Ukraine Ukrainsch Anastasiya Petryk Nebo Himmel Amsterdam20px Nedderlannen 2013 20px Malta Engelsch Gaia Cauchi The Start De Anfang Kiew,20px Ukraine 2014 20px Italien Italieensch, Engelsch Vincenzo Cantiello Tu primo grande amore Du, eerste grote Leev Marsa, 20px Malta 2015 20px Malta Engelsch Destiny Chukunyere Not My Soul Nich mien Seel Sofia, 20px Bulgarien 2016 20px Georgien Georgisch Mariam Mamadaschwili Mzeo Sünn Valetta, 20px Malta 2017 20px Russland Russ’sch, Engelsch Polina Bogussewitsch Wings Flögels Tiflis, 20px Georgia 2018 20px Polen Poolsch, Engelsch Roksana Węgiel Anyone I Want To Be All, de ik sien wull Minsk, 20px Wittrussland 2019 – – – – – Gleiwitz, 20px Polen

Deelnehmers Bit nu hebbt 37 Liddmatenlänner vun de EBU tomindst eenmol an’n JESC deelnahmen: Albanien Armenien Aserbaidschan Australien Belgien Bulgarien Däänmark Frankriek Georgien Grekenland Irland Israel Italien Kasachstan Kroatien Lettland Litauen Malta Noordmakedonien Moldawien Montenegro Nedderlannen Norwegen Polen Portugal Rumänien Russland San Marino Serbien(un SCG) Slowenien Spanien Sweden Swiez Ukraine Wales(un Vereenigt Königriek) Wittrussland Zypern

Düütschland Düütschland stünn op de Deelnehmerlist för den Junior Eurovision Song Contest 2003Düütschland op de Deelnehmerlist vun de EBU to’n JESC 2003 (engelsch) un ok för den 2004, hett aver ahn Grünnen wedder torüchtogen. Bit hüüt (Stand: 2014) geev dat noch keen Deelnahm an den Wettstriet. De ARD wiest keen Intresse an den Wettstriet, man dat ZDF hett 2014 en Beobachter na den JESC schickt un wies sik intresseert 2015 deeltonehmen.

Tokamen Tieten Nadem de Tall vun Deelnehmers 2004 en Hööchpunkt beleevt hett (18 Länner), is se dorna wedder torüchgahn. Dat weer sogor en Tiet lang nich kloor, wat de Veranstalten na 2007 noch wietergahn schüll. Dat Johr stegg de Tall wedder op 17, wiel siek in’t Johr 2009 blots noch 13 Länner tosamenfunnen hebbt. För 2010 hebbt sik na eenige Diskuschonen 14 Deelnehmerlänner funnen. Dat seeg längere Tiet nich seker ut mit dat Utdrägen vun’n Junior Eurovision Song Contest 2011, wat vör allen ok an’n Spood vun den Wettstriet 2010 hüng. Mitt vun’n Januar 2011 hett de EBU künnigt maakt, dat Armenien den Toslag för’t Utdrägen kregen harr.esckaz.com Steering Group elected Armenia as Host Broadcaster.

Möögliche tokamen Deelnehmers Möögliche Kandidaten för den JESC sünd all Länner, de Liddmaten vun de EBU sünd un en Feernsehanstalt hebbt. Israel wull an sik al 2008 deelnehmen, hett sik aver kort vör’t Finale ut finanzielle Grünnen wedder torüchtogen. Ok Bosnien-Herzegowina wull al 2007 un 2008 dellnehmen, hett sik aver beid mol kort vör’t Finale torüchtogen. De EBU diskuteert butendem mit Däänmark un de Slowakei över jemehr Deelnahm an den JESC.

Borns

Weblenken

Offizielle Websteed