Ellis Lane Larkins (* 15. Mai 1923 in Baltimore, Maryland; † 30. September 2002, ok dor) weer en US-amerikaansch Jazz-Pianist vun den Swing.
Bekanntheit kreeg de Pianist Ellis Larkins vör allen dör sien Mitwarken an de beid Alben vun Ella Fitzgerald Ella Sings Gershwin (1950) un Swings In A Mellow Mood (1954) – intüschen herutkommen ünner den Titel "Pure Ella" – as ok sien Plateninspeelungen mit den Trumpeter Ruby Braff (Two Part Invention In Jazz/Two By Two, 1955).
Ellis Larkins studeer as eerst Afroamerikaner an dat Peabody Conservatory Of Music in Baltimore, dornah gung he nah New York, studeer an de Juilliard School of Music un hett as professionell Musiker arbeit. He speel ünner annern Anfang vun de 1940er Johren mit Billy Moore, 1944 bi Lucky Millinder mit Edmond Hall 1945/46 un mit eegen Trio in de New Yorker Club The Blue Angel, buterdem mit Dicky Wells (Linger Awhile; 1943), Coleman Hawkins (Stumpy, 1944), Mildred Bailey, Ruby Braff, Eartha Kitt, Joe Williams un Harry Belafonte. 1959 weer he mit Larry Adler up Tournee.
Diskografisch Henwiesen Alben as Leader Do Nothing Till You Hear From Me (1955) Manhattan At Midnight (1956) A Smooth One (Black & Blue, 1977) At Maybeck Recital Hall (Concord, 1992)
Mit Ruby Braff Duets, Volume 1 (Vanguard 1956, keem herut 1999; enthollt Stücken vun de Vanguard-Alben Two Part Inventions, Vol. 1 & 2/ Two By Two: Music Of Rogers & Hart) Grand Reunion (Chiaroscuro, 1972) Calling Berlin: Volume 1 & 2 (Arbors, 1994) mit Bucky Pizzarelli
As Sideman Dicky Wells:1927-1943 (Classics) Coleman Hawkins: 1943-1944 (Classics) Coleman Hawkins: 1944 (Classics) Ella Fitzgerald: Pure Ella (GRP, 1950-54)
Literatur Martin Kunzler: Jazz-Lexikon, Reinbek, Rowohlt 1988 Richard Cook & Brian Morton: The Penguin Guide to Jazz on CD'', sixth Edition, London, Penguin, 2002 Bielefelder Katalog Jazz, 2001
Kategorie:Jazzmusiker Kategorie:Börger von de USA Kategorie:Mann Kategorie:Boren 1923 Kategorie:Storven 2002