duum|William Shatner 2005 William Shatner (* 22. März 1931 in Montréal) is en kanaadschen Schauspeler, Singer un Schriever. Sünners bekannt worrn is he vör allen dör sien Rullen as Captain Kirk in Star Trek, as T.J. Hooker in de gliek nöömten Reeg un as Denny Crane in de Afkaatenreeg Boston Legal.
Leven un Wark Loopbahn Shatner is as Söhn as Joseph Shatner un Anna Garmaise in Montréal opwassen. Sien Grootvadder Wolf Shatner (egentlich Schattner) weer en jöödschen Utwannerer ut de Ukraine. Ok de Grootöllern vun sien Mudders Siet weern jöödsche Utwannerer ut Oosteuropa.
Al siet dat sösste Levesnjohr weer Shatner vun de Schauspeleree andoon, as he bi en Ferienlager an en Opföhren deelnahmen hett. Twee Johren later hett he as „Tom Sawyer“ bi’t Kinenrtheater mitspeelt. Al mit teihn Johren weer he al in’n lütten Rahmen enigermaten bekannt as Höörspeelspreker bi den kanaadschen Radiosenner CBC.
Na sien Tiet op de High School hett Shatner 1952 mit Spood en Studium vun de Weertschopswetenschoppen an de McGill University in Montréal afleggt. In’t Johr 1953 weer he bi’t Stratford Festival of Canada in mehrere Opföhren vun Shakespeare-Stücken to sehn. 1956 is he na New York City ümtogen, woneem he för’t Feernsehn un an’n Broadway arbeit. Dor is he Filmproduzenten opfallen. Sien eersten Kinofilm weer 1958 The Brothers Karamazov, in den he den „Alexej Karamasow“ speelt hett. Dree Johren later weer he in Judgment at Nuremberg an de Siet vun Spencer Tracy to sehn. 1965 harr he de Hööftrull in den Film Incubus, de op Esperanto dreiht worrn is.
As Captain James T. Kirk in de Feernsehreeg Star Trek is Shatner denn weltbekannt worrn. De Reeg lööpt in dree Staffeln vun 1966 bit 1969. In de glieken Rull hett he later ok in de eersten söven Speelfilmen ut de Star-Trek-Reeg to sehn wesen. Bi den föfften Film weer he sülvst ok Speelbaas. Man, he hett ok noch in vele annere Filmen mitspeelt. Vun 1982 bit 1985 harr he in de Reeg T.J. Hooker wedder de Hööftrull in en Feernsehreeg un weer ok bi mehrere Folgen Speelbaas. Twüschen 1994 un 1996 sünd veer Feernsehfilmen un 18 Regenfolgen vun TekWar entstahn, de op de de Grundlaag vun de gliek nöömten Science-Fiction-Romanen vun Shatner produzeert worrn sünd. He sülvst speel dorin in de Nevenrull Walter Bascom mit.
In de Independent-Kummedie Free Enterprise vun 1998 hett he sik sülvst parodeert. Dorna weer Shatner in Filmen as Miss Congeniality, Showtime oder Dodgeball: A True Underdog Story to sehn. In de Justizreeg Boston Legal harr Shatner vun 2004 bit 2008 de Rull Denny Crane. Dorblangen arbeit he vun November 2006 an as Moderater in de Speelshow Show Me the Money bi den US-amerikaanschen Feernsehsenner ABC, de aver al na wenige Folgen wedder afsett worrn is. Siet Dezember 2008 is he Gastgever vun de Talkshow Shatner’s Raw Nerve för The Biography Channel , in de he Prominente Fragen stellt.
Musik As Singer tekent sik Shatner dör sien as „Spoken Word“ betekente Singoort ut, de aver mehr mit Musik ünnermaalte Lyrikvördrääg to doon hett as mit Singeree. Sien eerst Album keem 1968 mit den Titel The Transformed Man rut. Dorop is ok en Faten vun dat Beatles-Leed Lucy In The Sky With Diamonds to hören, dat vun de Tokiekers vun den Feernsehsenner Music Choice to dat slechtste Beatles-Cover vun all Tieten wählt worrn is. Sien letzt Album keem 2004 ünner den Titel Has Been rut un weer vun Ben Folds produzeert.
Bookschriever William Shatner is butendem ok as Schriever vun Böker bekannt. Blangen sien egene Star-Trek-Biografie un de baven ansnackten TEK-War-Romanen hett he tosamen mit dat Schriever-Duo Judith un Garfield Reeves-Stevens bit hüüt teihn Star-Trek-Romanen schreven, de bit op twee Böker vun’n Inholt her all na den Speelfilm Star Trek: Generations speelt. In de Romanen warrt vele Verbinnen to de klassischen Star-Trek-Feernsehreeg knütt.
Privat In’t Johr 1956 hett Shatner Gloria Rand heiraat, man de Eh is na dörteihn Johren scheedt worrn. Vun 1973 bit 1994 duer sien tweete Eh mit de Schauspelersche Marcy Lafferty, de denn ok scheedt worrn is. De drüdde Eh is 1997 mit Sherine Kidd slaten worrn. Se is twee Johr later in’n Swimmingpool vun jemehr Huus dood bleven. Bi de Ünnersöken sünd in ehr Blood Valium un Alkohol opdeckt worrn. En Verschulln vun drüdde siet is vun de Polizei utslaten worrn. Siet 2001 is Shatner nu wedder verheiraat. Mit sien Fro Elizabeth Anderson Martin un sien dree Döchter leevt he hüüt in Süüdkalifornien. Blangen sien künstlerisch Wark hett he ok in de Peertucht Spood un richt jeed Johr de Hollywood Charity Horse Show ut. Mit de Innahmen ut de Veranstalten warrt behinnerte Kinner ünnerstütt.
An'n 13. Oktober 2021 weer Shatner bi en suborbitalen Floog in't All as Weltruumtourist an Bord vun de New Shepard vun Blue Origin.Jeff Foust: Star Trek’s William Shatner to fly on next New Shepard flight. In: spacenews.com. 4. Oktober 2021, afropen 10. Oktober 2021 (engelsch). Mit 90 Johren wurr he de bit dorhen öldste Minsch, de in den Weltruum flagen is.
Filmografie (Utwahl) Johr Titel Synchroonsnacker 1951 The Butler’s Night Off 1958 The Brothers Karamazovdt.: Die Brüder Karamasow Herbert Stass 1961 The Explosive Generationdt.: Frühreife Generation Michael Chevalier 1961 Judgment at Nurembergdt.: Das Urteil von Nürnberg Klaus Schwarzkopf 1962 The Intruderdt.: Weißer Terror Rainer Brandt 1964 The Outragedt.: Carrasco, der Schänder Herbert Stass 1965 For the People, Feernsehreeg 1966 Incubusdt.: Inkubo 1966-69 Star Trek, Feernsehreegdt.: Raumschiff Enterprise Andreas NeumannGert Günther Hoffmann 1972 Der Hund von Baskerville, Feernsehndt.: The Hound of the Baskervilles Klaus Adler 1973 Pioneer Woman, Feernsehndt.: Der weite Weg nach Westen Helmut Gauß 1974 Impulse 1974 Big Bad Mamadt.: Liebe böse Mama Lutz Riedel (2. Synchro) 1973-74 Star Trek: The Animated Series, Feernsehreeg, Stimmdt.: Die Enterprise Holger Hagen (Prolog) 1975 The Devil’s Raindt.: Nachts, wenn die Leichen schreien Klaus Kindler 1975-76 Barbary Coast, Feernsehreegdt.: Die Küste der Ganoven Gert Günther Hoffmann 1977 Kingdom of the Spidersdt.: Mörderspinnen Thomas Danneberg 1979 Star Trek: The Motion Picturedt.: Star Trek: Der Film Gert Günther Hoffmann 1980 The Kidnapping of the Presidentdt.: Die Entführung des Präsidenten Claus Wilcke 1982 Visiting Hoursdt.: Das Horror-Hospital Helmut Gauß 1982 Star Trek II: The Wrath of Khandt.: Star Trek II: Der Zorn des Khan Klaus Sonnenschein 1982 Airplane II: The Sequeldt.: Die Unglaubliche Reise in einem verrückten Raumschiff Gert Günther Hoffmann 1984 Star Trek III: The Search for Spockdt.: Star Trek III: Auf der Suche nach Mr. Spock Klaus Sonnenschein 1982-86 T.J. Hooker, Feernsehnreeg Gert Günther Hoffmann 1986 Star Trek IV: The Voyage Homedt.: Star Trek IV: Zurück in die Gegenwart Gert Günther Hoffmann 1988 Broken Angel; Feernsehndt.: Broken Angel – Gefallene Engel Eberhart Prüter 1989 Star Trek V: The Final Frontierdt.: Star Trek V: Am Rande des Universums Gert Günther Hoffmann 1991 Star Trek VI: The Undiscovered Countrydt.: Star Trek VI: Das unentdeckte Land Gert Günther Hoffmann 1993 Loaded Weapon 1 Michael Telloke 1994 Star Trek: Generationsdt.: Star Trek: Treffen der Generationen Gert Günther Hoffmann 1994-96 TekWar, Feernsehreegdt.: Tek War – Krieger der Zukunft Gert Günther Hoffmann 1996 Dead Man’s Island, Feernsehndt.: Ein tödlicher Coup 1996 Prisoner of Zenda, Inc.dt.: Schnappt den Doppelgänger! Gert Günther Hoffmann 1998 Land of the Freedt.: Universal Fighter Klaus Sonnernschein 1998 A Twist in the Tale, Feernsehreeg 2000 Falcon Downdt.: Falcon Down – Todesflug ins Eismeer Klaus Sonnenschein 2000 Miss Congenialitydt.: Miss Undercover Otto Mellies 2003 A Carol Christmasdt.: Carol und die Weihnachtsgeister Klaus Sonnenschein 2004 The Practice, Feernsehfolgendt.: Practice – Die Anwälte Klaus Sonnenschein 2004 Dodgeball: A True Underdog Storydt.: Voll auf die Nüsse Otto Mellies 2005 Miss Congeniality 2: Armed & Fabulousdt.: Miss Undercover 2 – Fabelhaft und bewaffnet Otto Mellies 2006 Over the Hedge, Stimmdt.: Ab durch die Hecke Kaspar Eichel 2004-08 Boston Legal, Feernsehreeg Hartmut Neugebauer 2010 Quantum Quest: A Cassini Space Odyssey, Stimm 2011 Horrorween 2015 A Christmas Horror Story Hans Bayer 2015 William Shatner War Chronicles, Animatschoonsreeg, Verteller 2015 Breaking Ground, Reality-Reeg, Verteller 2016 Range 15 2016 A Sunday Horsedt.: Sunday Horse: Ein Bund fürs Leben 2017 Malevolent, Animatschoon, Stimm
Utteken William Shatner weer meist veertig mol för Fielmpriesen vörslahn. Uttekent worrn is opletzt mit 12 Priesen, so as: 1980: mit den Pries för’t Levenswark vun de Academy of Science Fiction, Fantasy & Horror Films. 1983: mit sien Steern op’n Walk of Fame 1983: mit den Saturn-Pries in de Kategorie Best Hööftdorsteller för Star Trek II: The Wrath of Khan 2004: mit den Emmy in de Kategorie Rutragen Gastschauspeler in en Dramereeg för The Practice 2005: mit den Emmy in de Kategorie Rutragen Nevendorsteller in en Dramareeg för Boston Legal 2005: mit den Golden Globe in de Kategorie Best Nevendorsteller – Serie, Mini-Serie oder TV-Film för Boston Legal 2009: mit den Prism Award in de Kategorie Leistung in en Dramareeg för Boston Legal
Diskografie 1968: The Transformed Man (Decca) 1977: William Shatner Live (Lemli) 1997: Spaced Out: The Very Best of Leonard Nimoy and William Shatner (Universal International) 2004: Has Been (Shout! Factory)
Bibliografie (Utwahl) Tek-Reeg, mit Ron Goulart Star-Trek-Reeg, mit Judith un Garfield Reeves-Stevens Star Trek: The Ashes of Eden, 1995, ISBN 0-671-52035-0 Star Trek: The Return, 1996, ISBN 0-671-52610-3 Star Trek: Avenger, 1997, ISBN 0-671-55132-9 Star Trek: Spectre, 1998, ISBN 0-671-00878-1 Star Trek: Dark Victory, 1999, ISBN 0-671-00882-X Star Trek: Preserver, 2000, ISBN 0-671-02125-7 Star Trek: Captain's Peril, 2002, ISBN 0-7434-4819-7 Star Trek: Captain's Blood, 2003, ISBN 0-671-02129-X Star Trek: Captain's Glory, 2006, ISBN 0-7434-5343-3 Star Trek: The Academy—Collision Course, 2007 ISBN 1-4165-0396-X Believe (with Michael Tobias), 1992, ISBN 978-0-425-13296-8 War-Reeg Man o’ War, 1996, ISBN 0-399-14131-6 The Law of War, 1998, ISBN 0-399-14360-2 Quest for Tomorrow-Reeg Delta Search, 1997, ISBN 0-06-105274-4 In Alien Hands, 1997, ISBN 0-06-105275-2 Step into Chaos, 1999, ISBN 0-06-105276-0 Beyond the Stars, 2000, ISBN 0-06-105118-7 Shadow Planet, 2002, ISBN 0-06-105119-5 Captain's Log: William Shatner's Personal Account of the Making of „Star Trek V: The Final Frontier“, 1989, ISBN 0-671-68652-6 Star Trek Memories, mit Chris Kreski, 1993, ISBN 0-06-017734-9 Star Trek Movie Memories, mit Chris Kreski, 1994, ISBN 0-06-017617-2 Get a Life!, with Chris Kreski, 1999, ISBN 0-671-02131-1 Star Trek: I’m Working on That: A Trek from Science Fiction to Science Fact, mit Chip Walker, 2002, ISBN 0-671-04737-X Up Till Now: The Autobiography, mit David Fisher, 2008, ISBN 0-283-07058-7
Weblenken
Literatur vun un över William Shatner in’n Kataloog vun de Düütschen Natschonalbökeree William Shatner in’n Kataloog vun’t Düütsche Musikarchiv Offizielle Websteed vun William Shatner (engelsch)
Enkeld Nahwiesen
Kategorie:Mann Kategorie:Speelbaas Kategorie:Schauspeler Kategorie:Schriever Kategorie:Börger von Kanada Kategorie:Boren 1931