duum|hochkant|Christian Berkel bi de Berlinale 2009 Christian Berkel (* 28. Oktober 1957 in Berlin) is en düütschen Schauspeler. För en breed Publikum is he int Johr 2000 bekant worrn, as he den Fangenen 38 in den Kinofilm Das Experiment ünner Speelbaas Oliver Hirschbiegel speelt hett un sünners ok as Wehrmachts-Staffsdokter in den Kinofilm Der Untergang, de förn Oscar vörslahn weer. Berkel höört nich blots in Düütschland to na nafraagsten düütschen Schauspelers.Das Erste: Christian Berkel als Helmut Schmidt Tweemol weer he al in de Rull vun Helmut Schmidt to sehn, neemlich in Die Sturmflut un Mogadischu.
Leven Berkel is in Berlin boren, vun sien Mudders Siet her is he vun jöödsche Afstammen. Se is 1938 ut Nazi-Düütschland na Frankriek utwannert un 1945 vun dor wieter na Argentinien. Se is 1955 torüch na Düütschland kamen. Sien Vadder is en ehmoligen Militär-Staffsdokter. Wieter is he de Enkel vun en Kultur- un Kunsthistoriker.
As jungen Kerl siet sien 14. Levensjohr hett Berkel in Paris leevt. De Schauspeler leevt vundaag in Berlin tosamen mit de Schauspelersche Andrea Sawatzki. Se hebbt tosamen twee Söhnen.
Loopbahn duum|hochkant|Christian Berkel (2009) As Berkel na School güng, hett he al blangento bi Jean-Louis Barrault un Pierre Bertin in Paris Schauspeelünnerricht nahmen. Later hett he en Utbilln maakt an de Düütschen Film- un Feernsehakademie in Berlin (dffb).
In’t Johr 1977 weer he vun Ingmar Bergman för de Rull vun en Studenten in den Film Das Schlangenei besett. Dorna harr he bit 1993 Engagements an verschedene düütschspraakige Bühnen as ü.a. an’t Düsseldörper Schauspeelhuus, an’t Schauspeelhuus Bochum, an’t Schillertheater Berlin oder an’t Borgtheater in Wien. Tosamenarbeit hett he dorbi to’n Bispeel mit Claus Peymann, Rudolf Noelte un Alexander Lang.
1998 is Berkel för sien Dorstellen as psychopathischen Vadder in de Tatort-Episood „Schwarzer Advent“ ünner Spelbaas Jobst Oetzmann uttekent worrn. In de Johren dorna speel he in verschedene Film- un Feernsehprodukschonen, dorünner bekannte Filmen as Rossini – oder die mörderische Frage, wer mit wem schlief, Lautlos, Männer wie wir oder Der Untergang.
In’t Johr 2005 hett he to’n Bispeel ünner de Regie vun Paul Verhoeven den General Käutner in de internatschonal spoodrieke Produkschoon Zwartboek speelt un weer an de Siet vun Jodie Foster ok en de Hollywood-Produkschoon Flightplan to sehn. 2006 weer he in den Feernsehfilm Die Sturmflut in de Rull vun den dormoligen Binnensenater Helmut Schmidt to sehn. De Rull hett he 2008 noch mol speelt bi de Arbeiten to den Film Mogadischu.
In’t Johr 2007 kreeg Berkel noch mol en Anbott ut Hollywood för den Kinofilm Valkyrie an de Siet vun Tom Cruise un Kenneth Branagh, un dat Johr dorop weer he blangen Brad Pitt in de Besetten vun Quentin Tarantino sien Film Inglourious Basterds. Bito harr Berkel vele Gastrullen in verschedene Feernsehregen as Derrick, Der Alte oder Polizeiruf 110.
Berkel is nich blots vör de Kamera nafraagt, he arbeit ok as Synchroonsnacker un leest Höörböker. So hett he to’n 125. Geboortsdag vun de Maler Pablo Picasso för den Eichborn-Verlag Hajo Düchtig sien Picasso-Biografie leest. Tosamen mit sien duersome Levenspartnersche Andrea Sawatzki hett he ok al verschedene Hörböker opnahmen.
Filmografie (Utwahl) Johr Titel 1977 Der Mädchenkrieg 1977 Eine Jugendliebe, Feernsehn 1985 Wind von Südost, Feernsehn 1989 Der Bastard, Feernseh-Minireeg 1983-93 Derrick, Feernsehfolgen 1995 Drei Frauen und (k)ein Mann, Feernsehn 1995 Spur eines Zweifels, Feernsehn 1996 Der Mann ohne Schatten, Feernsehreeg 1997 Rossini, oder die mörderische Frage, wer mit wem schlief 1978-97 Der Alte; Feernsehfolgen 1998 Tod auf Amrum, Feernsehn 1999 Sweet Little Sixteen, Feernsehn 2000 Verzweiflung 2001 Das Experiment 2002 Erste Liebe, Feernsehn 2002 Das Paradies ist eine Falle, Feernsehn 2002 Der Unbestechliche 2004 Lautlos 2004 Männer wie wir 2004 Der Untergang 2004 Feuer in der Nacht, Feernsehn 1978-2005 Tatort, Feernsehfolgen 2005 Flightplandt.: Flightplan - Ohne jede Spur 2006 Die Sturmflut, Feernsehn 2006 Zwartboekdt.: Dar schwarze Buch 2006 Helen, Fred und Ted, Feernsehn 2008 Flammen og Citronendt.: Tage des Zorns 2008 Haber 2008 Mogadischu 2008 Valkyriedt.. Operation Walküre – Das Stauffenberg-Attentat 2009 Leningrad 2010 Der letzte Angestellte 2011 Das dunkle Nest, Feernsehn 2011 Der Mann mit dem Fagott, Feernsehn 2013 Totenengel - Van Leeuwens zweiter Fall, Feernsehn 2015 Anti-Social 2015 The Man from U.N.C.L.E.dt.: Codename U.N.C.L.E. 2016 Ein gefährliches Angebot, Feernsehn 2006-17 Der Kriminalist, Feernsehreeg
Utteken Berkel hett för sien Filmrullen al dree (Stand: 2010) kregen: 1998: den Goldenen Gong för Tatort, Episood „Schwarzer Advent“ 2009: de Goldene Kamera in de Kategorie Best Schauspeler Natschonal för Mogadischu 2009: den Düütschen Feernsehpries in de Kategorie Best Film för Mogadischu
Literatur Sülvsttüügnis in: Schauspielerbekenntnisse. ed.: Ottersbach, Beatrice; Schadt, Thomas; Haun, Nina, UVK-Verlag, Konstanz 2007, ISBN 978-3-89669-685-4 „Die Kindheit in der Tasche“: Siet 20-31 Ulf Poschardt, Interview mit Christian Berkel in WELT AM SONNTAG vun’n 28. Dezember 2008, S. 59
Borns
Weblenken
Filmografie un Levensloop op vollfilm.de
Kategorie:Mann Kategorie:Börger von Düütschland Kategorie:Schauspeler Kategorie:Boren 1957