thumb|Ethan Phillips 2003 Ethan Phillips (* 8. Februar 1955 in Garden City, Long Island, New York) is en US-amerikaanschen Schauspeler un Schriever.
Biografie Ethan Phillips is de Grootbrodersöhn vun Joe Phillips, de in de 1920er Johren en beropen Komiker weer. He is as de eenzige Jung ünner fief Süstern opwassen. In’t Öller vun söven Johren hett he tosamen mit sien Mudder de Horror-Reeg Panic sehn un weer böös verbaast as se sehn hett, wat dor mit de Minschen passeert. Sien Mudder verklor em, dat dat blots Schauspelers sünd, de dat blots speelt ahn dat jem wohrhaftig wat passeert. Vun de Vörstellen, dat een dor Geld mit verdenen künn, wenn man annere Lüüd namaakt, weer Phillips foorts andoon. Al in de Highschool hett he bi Theaterstücken mitspeelt. An de Boston University hett he sien Afsluss in Engelsch maakt un dorna de Master of Fine Arts an de Cornell University. Korte Tiet later kreeg he al eerste Rullen in verscheden Broadway- un Off-Broadway-Produkschonen.
Phillips hett op vele Bühnen in de USA speelt. He hett dat Theaterstück Penguin Blues schreven un weer ok bedeeligt an dat Star Trek Cookbook. Internatschonal bekannt is he vör allen dör sien Rull as Neelix in de Star-Trek-Reeg Star Trek: Voyager, woneem he ü.a. de Opgaven vun en Köksch hett. Sien eersten Optritt bi Star Trek harr he aver al in de Folg Ménage à Troi in Star Trek: The Next Generation, woneem he en Ferengi-Dokter speelt hett. Bit 2008 hett he in meist hunnert Film-, Video un Feernsehprodukschonen mitspeelt. En Hööftrull in en rutragen spoodrieken Film weer aver nich dorbi.
Phillips is siet 1990 mit Patricia Cresswell verheiraadt. Sien Vadder weer de Besitter vun dat bekannte Steakhouse Frankie and Johnnie’s.
Filmografie (Utwahl) Johr Titel Synchroonsnacker 1980-84 Benson, Feernsehreeg 1981 Ragtime 1986 Crittersdt.: Critters – Sie sind da! Uwe Paulsen (1. Synchro)Rainer Doering (Synchro 1997) 1987 Burglardt.: Die diebische Elster 1989 Lean On Medt.: Der Knallharte Prinzipal Wolfgang Ziffer 1989 Bloodhounds on Broadwaydt.: Bluthunde am Broadway Andreas von der Meden 1989 Glory Bodo Wolf 1990 Green Carddt.: Green Card – Scheinehe mit Hindernissen 1992 Rain Without Thunderdt.: Lautloser Regen 1993 The Man Without a Facedt.: Der Mann ohne Gesicht Hans-Jürgen Wolf 1994 Natural Selection, Feernsehfilmdt.: Der Retorten-Killer 1994 Wagons East Santiago Ziesmer 1995-2001 Star Trek: Voyager, Feernsehreegdt.: Star Trek: Raumschiff Voyager Michael Tietz 1997 For Richer or Poorerdt.: Zum Teufel mit den Millionen 2000 Endsville 2003 Living in Walter’s World 2003 Rugrats Go Wild, Trickfilm (Stimm) Frank Lüthe 2003 Bad Santa Claus Brockmeyer 2004 Chestnut: Hero of Central Parkdt.: Chestnut – Der Held vom Central Park Tobias Lelle 2005 PrimeMates 2005 The Islanddt.: Die Insel Claus Brockmeyer 2005 The Wright Stuff, Kortfilm 2007 Super Sweet 16: The Movie 2007 Out of Omaha 2008 Big Game 2010 Trim 2011 Dahmer vs. Gacy 2012 A Night at the Silent Movie Theater 2013 Coffin Baby 2013 Inside Llewyn Davis Tobias Lelle 2014 The Adventures of RoboRex 2015 The Murder Pact 2016 The Purge: Election Year Tobias Lelle 2017 1 2018 Most Likely to Murder
Literatur Ethan Phillips/William J. Birnes: Star Trek Cookbook, Prentice Hall & IBD 1999. ISBN 0-671-00022-5
Weblenken
Offizielle Websiet (engelsch)
Kategorie:Mann Kategorie:Börger von de USA Kategorie:Schauspeler Kategorie:Schriever Kategorie:Boren 1955