Maximilian "Max" Kruse (* 19. März 1988 in Reinbek) is en düütschen Footballspeler. In'n Momang speelt he för den 1. FC Union Berlin in de Football-Bundsliga.
Sien Weg as Footballer In’n Vereen Kruse speelt in’t Middelfeld. Sien Weg güng 1992 bi den TSV Reinbek los. In’n Summer 1998 wessel Kruse na Hamborg to’n SV Veer- un Maschlann, wo ok sien Fründ Martin Harnik speelt hett. To de Speeltied 2006/2007 güng he na Bremen to den SV Werder. Dor höört he vun 2007 af an to de tweede Mannschop. In de Saison 2007/2008 hett Trainer Thomas Schaaf em vunwegen de velen Verletzten in’e de eerste Mannschop to dat Profiteam beropen. Sien eerst Speel hett he dor an’n 29. September 2007 bi |dat 8:1 gegen Arminia Builefeld maakt. Dormols is he in de 63. Minuut för Jurica Vranješ inwesselt wurrn un hett Markus Rosenberg sien 6:1 vörbereit’. In'n September 2008 hett he sik in't Speel gegen Kickers Emden in de drüdde Liga dat Been braken un fallt eerst mol länger ut. To de Saison 2009/2010 wessel Kruse ahn wat to kösten to'n FC St. Pauli, wo he en Twee-Johres-Verdrag ünnerschreev.Van 2012 bit 2013 speel he för de SC Freiburg und wesselt to de Saison 2013/14 to Borussia Mönchengladbach.
In de Natschonalmannschop Max Kruse hett bither to för de U-19, U-20 un U-21-Natschonalmannschop vun Düütschland speelt. In dat Johr 2013 hett he ok sien eerste A-Lännerspelen maakt. 2021 nehm he an de Olympisch Sömmerspelen deel.
Kategorie:Footballnatschonalspeler (Düütschland) Kategorie:Olympiadeelnehmer (Düütschland) Kategorie:SV Werder Bremen Kategorie:Börger von Düütschland Kategorie:Mann Kategorie:Boren 1988