Said Husejinović (* 13. Mai 1988 in Zvornik) is en bosnischen Footballspeler. In'n Momang speelt he för den SV Werder Bremen in de Football-Bundsliga.
Sien Weg as Footballer In’n Vereen Husejinović speelt in dat Middelfeld. He speel in de Jöögd vun FK Sloboda Tuzla. Dor güng ok sien Weg as Profifootballer los. He schaff dat up’n Stutz to’n Stammspeler un weer toletzt een vun de besten Spelers in’n Vereen un ok ehr Kaptein.
Werder Bremen sien Talent-Utkieker Hune Fazlic hett em in Bosnien sehn un to’n Koop vörslahn. He wessel to de Speeltied 2008/2009 na Bremen un hett dor en langen Verdrag bit to’n 30. Juni 2012 unnerschreven. Sien eerst Speel in de Bundsliga hett he in dat Heimspeel gegen Bayer 04 Leverkusen an'n 28. Oktober 2008 maakt. Werder hett düt Speel mit 0:2 verlaren un achterher is seggt wurrn, Husejinovic harr keen goot Speel maakt.
In de Natschonalmannschop Said Husejinović hett bitherto twee Mol för sien Land speelt.
Weblenks Werder.de – Över den Speler
Kategorie:Footballspeler Kategorie:Börger von Bosnien-Herzegowina Kategorie:SV Werder Bremen Kategorie:Mann Kategorie:Boren 1988