Hellmut Lange (* 19. Januar 1923 in Berlin; † 13. Januar 2011 in Berlin) weer en düütsch Schauspeler un Synchroonsnacker.
Leven
Hellmut Lange snack all in sien Jöögd Kinnerrullen bi’d Berliner Funk (u. a. neben Wolfgang Kieling). Van 1946 bit 1948 hett he en Schauspeelutbilden in Hannober absolveert. 1948 folg dat eerste Böhnenengagement in München.
1958 geev he sien Speelfilmdebüt un wurr gau en populären Dorsteller in Film un Feernsehn. 1961 speel he de Hööftrull in de Edgar Wallace-Verfilmung Der Fälscher von London un in dat Folgejohr en vun de Hööftrullen in de Durbridge-Stratenfeger Das Halstuch. Faken weer he as Vertreder vun Recht un Gesetz to sehn, as Polizist oder Privatermittler, so as Kommissar Stahlnetz-Rieg, as Privatdetektiv John Kling in de Feernsehserie John Klings Abenteuer un as Privatdetektiv Frank Kross in de glieknaamig Feernsehserie oder as Kommissar Toffer, Fründ un Tegenpart vun Klaus Löwitsch in de ARD-Vörabendserie Der Hafendetektiv. Dorneben speel Lange ebenso in de Oscar-prämeert Hollywood-Produktschoon Patton (dt.: Patton – Rebell in Uniform) as ok in de Familienserien Rivalen der Rennbahn un Der Landarzt.
En besünners hoohen Bekanntheitsgrad kreeg he 1969 dör de Rull vun den Trapper Nathanael „Natty“ Bumppo in de TV-Veerdeeler Die Lederstrumpferzählungen nah James Fenimore Cooper. In disse Rull, de he all 1968/69 in twee rumäänsch Verfilmungen vun de Romans Der Letzte der Mohikaner un Wildtöter speelt harr, wurr he so populär, dat he de Rull ok in tallriek Höörspeeladaptschonen vun Coopers Warken övernehm.
Dorneben modereer he van 1971 bit 1981 de ARD-Ratesendung Kennen Sie Kino? un schreev as Redakteur vun de Filmtietschrift Cinema Artikel för en glieknaamig Rubrik.
Tüschen 1952 un 1960 weer Lange buterdem as Spreker un Speelbaas för Höörfunkprogramme vun Radio Bremen togange.
Siet 1962 lehn he sien ruch Stimm faken as Synchroonsnacker tallriek prominent Schauspelerkollegen as t.B. Richard Harris (Man in the Wilderness (dt.: Ein Mann in der Wildnis)), Charlton Heston (Midway (dt.: Die Schlacht um Midway)), Paul Newman (Mr. & Mrs. Bridge), Roy Scheider (t.B. in Blue Thunder (dt.: Das fliegende Auge), 2010: The Year We Make Contact (dt.: 2010 – Das Jahr, in dem wir Kontakt aufnehmen) un Russia House (dt.: Das Russland-Haus)) un Donald Sutherland (Bear Island (dt.: Die Bäreninsel in der Hölle der Arktis'')).
Filmografie Johr Titel 1958 Stahlnetz – Mordfall Oberhausen 1961 Der Fälscher von London 1962 Das Halstuch 1964 Stahlnetz – Strandkorb 421 1965 Serenade für zwei Spione 1965 John Klings Abenteuer 1965 Stahlnetz – Der fünfte Mann 1965 4 Schlüssel 1966 Die Schatzinsel (Verteller) 1968 Von Mäusen und Menschen 1968 Ultimul Mohicandt.: Der Letzte der Mohikaner 1969 Vînatorul de cerbidt.: Wildtöter 1969 Salto Mortale, Feernsehreeg 1969 Die Lederstrumpferzählungen 1970 Patton – Rebell in Uniform 1972 Privatdetektiv Frank Kross 1975 Eurogang 1978 Hitler – Ein Film aus Deutschland 1981 Die Laurents 1983 Tatort – Der Schläfer 1983 Mandara, Feernsehreeg 1984 Turf 1987 Der Hafendetektiv 1989 Rivalen der Rennbahn, Feernsehepisoden 1991 Der Landarzt, Feernsehreeg 1994 Der Nelkenkönig
Weblenken
Kategorie:Mann Kategorie:Börger von Düütschland Kategorie:Schauspeler Kategorie:Synchroonsnacker Kategorie:Boren 1923 Kategorie:Storven 2011