Barver is en Gemeen in de Samtgemeen Rehrn in den Landkreis Deefholt in Neddersassen.
Laag Barver liggt noordööstlich vun den Dümmer See un vun dat Rehrner Geestmoor un süüdlich vun de Wilshuser Geest, tämlich genau in de Midden twuschen Bremen un Ossenbrügge. Dat Dörp liggt in'n Oosten vun den Kellenbarg an dat westliche Över vun de Wagenfeller Au.
Historie De Gemeende ehr Naam is dat eerste Mol to lesen i en Urkunn ut dat Johr 1203.
Politik Gemeenderaat In den Gemeenderaat vun Barver sitt alltohopen 11 Raatslüde: Free Wählers (WGB): 6 Sitten SPD: 5 Sitten Wählt wurrn is bi de Kommunalwahl an'n 11. September 2011.
Börgermeester De ehrenamtliche Börgermeester Detlev Osterbrink is an'n 9. September 2001 wählt wurrn.
Wapen En gollen Ekentwieg mit dree Blöer un twee Ekeln in gröön över gollen Wellenbalken (de Au), dor ünner en gollen Möhlensteen.
Fründschop mit Gemeenden in dat Utland Siet August 1973 gifft dat al en Fründschop mit de franzöösche Gemeende Lezay.
Wat en sik ankieken kann un wat dor los is Bowarken En Hollännerwindmöhl ut dat Johr 1865 steiht nich wiet af vun de L344 (Baarnstruper Straat) na Baarnstrup hen.
Sport In Barver gifft dat en Sportanlaag un en Hall för verscheden Sportarten un wat man dor sunst so maken kann.
Weertschop un Verkehr Verkehr De Gemeende liggt nöördlich un nich wiet af vun de B 214 vun Deefholt na Nienborg.
Kiek ok bi Projekt to'n Sammeln vun plattdüütsche Oortsnaams in de Landkreise Deefholt, Nienborg/Werser un Veern
Weblinks Websteed vun de Samtgemeende Rehrn Fründschop Barver Lezay
Kategorie:Oort Kategorie:Landkreis Deefholt