De Provinsjale wei 354 of N354 is in provinsjale wei dy't de autodyk A32 by Idaard mei de Ring Snits ferbynt. De dyk bestiet yn syn hjoeddeistige foarm sûnt 1952.
Fierder rint de dyk súd fan Snits by Wâldsein, oer de Brêge Spannenburch nei de A6 by Eastersee en de Tsjûkemar.
By de krusing fan de Jeltesleat yn De Hommerts is it Akwadukt Jeltesleat.
De dyk is foar it grutste part in gebietsûntslutingsdyk mei in maksimumfaasje fan 80 km/o.
Skiednis Ynearsten wie it grutste part fan de N354 in rykswei. Yn it rykswegeplan fan 1932 waard er opnommen as Rykswei 40, dy't in ferbining tusken Raerd en De Lemmer foarme. De rykswei soe noch trochrinne yn de doe noch drûch te lizzen Noardeastpolder. Oant de drûchlizzing fan de polder yn 1942 bleau Rykswei 40 bestean. Nei de kriich waar yn it rykswegeplan fan 1948 besletten dat de ferbining mei Rykswei 43, de hjoeddeistige A7, by De Jouwer komme te lizzen soe, ynstee fan by Snits. As gefolch dêrfan waard it part tusken Snits en De Lemmer in planwei, wylst it part fan Snits en Raerd oerbleau as planrykswei 40. Lang om let waard dat part yn it rykswegeplan 1968 as rykswei skrast yn it foardiel fan de nea útfierde ferlinging fan Rykswei 50 fan De Jouwer nei de A32 besuden Akkrum.
Kategory:Wei yn Fryslân 354 Kategory:Bouwurk út 1952 Kategory:Geografy fan Lemsterlân Kategory:Geografy fan Doanjewerstâl Kategory:Geografy fan De Fryske Marren Kategory:Geografy fan Wymbritseradiel (oant 1984) Kategory:Geografy fan Wymbritseradiel Kategory:Geografy fan Snits (gemeente) Kategory:Geografy fan Súdwest-Fryslân Kategory:Geografy fan Raerderhim Kategory:Geografy fan Idaerderadiel Kategory:Geografy fan Boarnsterhim Kategory:Geografy fan Ljouwert (gemeente)