It moderne Frânske Loataringen (klam op it earste wurdlid; Frânsk: Lorraine, Dútsk: Lothringen, Lúksemboarchsk: Loutrengen) wie fan 1982 oant 2016 in bestjoerlike regio in it noardeasten fan Frankryk. It omfette de departeminten Meurthe-et-Moselle, Meuse, Moselle en Vosges. De haadstêd fan Loataringen is Metz.
Histoarysk sjoen bestiet it út it âlde hartochdom Loataringen, it hartochdom Bar en de saneamde Trije Bisdommen (Trois-Évêchés: Metz, Toul en Ferdun). Sûnt 1 jannewaris 2016 makket de krite diel út fan 'e nije bestjoerlike regio fan it Grutte Easten (Grand Est).
Kategory:Grutte Easten Kategory:Histoaryske regio fan Frankryk Kategory:Bestjoerlike ienheid oprjochte yn 1982 Kategory:Bestjoerlike ienheid opheft yn 2016 Kategory:Kulturele regio yn Frankryk