McLaren F1 is de Formule 1-ploech fan McLaren Racing Limited, in Britske race-organisaasje út Woking yn Surrey. De organisaasje waard yn 1963 oprjochte troch de Nij-Seelânske koereur Bruce McLaren en kaam yn 1966 foar it earst út yn in Grutte Priis. Yn 2026 rydt McLaren mei Lando Norris en Oscar Piastri, mei motoren fan Mercedes.
Skiednis Bruce McLaren ried sels de earste Formule 1-auto fan syn ploech. By de Grutte Priis fan Belgje 1968 helle er ek de earste oerwinning. Nei syn ferstjerren yn 1970 bleau de ploech bestean en waard dy ûnder lieding fan ûnder oaren Teddy Mayer en Ron Dennis ien fan de grutste konstrukteurs. De earste dûbele wrâldtitel kaam yn 1974, doe't Emerson Fittipaldi koereurskampioen waard.
De perioade mei Honda-turbomotoren (1988–1991) wie tige dominant: Ayrton Senna en Alain Prost hellen fjouwer opienfolgjende konstrukteurstitels. Letter waarden ek Mika Häkkinen, Lewis Hamilton en Norris wrâldkampioen mei McLaren. De ploech helle yn 2024 en 2025 wer de konstrukteurstitel, sadat it totaal op tsien kaam; mei 13 koereurstitels heart McLaren by de trije súksesfolste ploechen yn de sport.
Resultaten en betsjutting McLaren is nei Scuderia Ferrari de op ien nei âldste noch aktive F1-ploech. Njonken de Formule 1 hat McLaren ek de Indianapolis 500, de 24 oeren fan Le Mans en de Grutte Priis fan Monako wûn. Dy trije oerwinnings wurde tegearre de Triple Crown of Motorsport neamd.
Sjoch ek Formule 1 Mercedes F1 Honda F1
Boarnen
Kategory:Formule 1 Kategory:Organisaasje oprjochte yn 1963