Querétaro, offisjeel Querétaro de Arteaga, is in steat yn it sintrale diel fan Meksiko. De steat grinzget yn it noarden oan San Luis Potosí, yn it easten oan Hidalgo, yn it suden oan 'e steat Meksiko, yn it súdwesten oan Michoacán en yn it westen oan Guanajuato. Querétaro is ien fan 'e lytste steaten fan it lân, mei in oerflak fan 11.684 km², en telde 2.368.467 ynwenners by de folkstelling fan 2020. De haadstêd is Santiago de Querétaro.
Skiednis thumb|left|Eksekúsje fan keizer Maksimiliaan fan Meksiko yn Santiago de Querétaro(Édouard Manet) It gebiet waard oarspronklik bewenne troch lânseigen folken de Otomí en de Chichimeken. De stêd Querétaro waard stifte yn 1531 nei oermastering fan Spanje. De steat spile in krúsjale rol yn 'e skiednis fan Meksiko:
Hjir waarden de earste plannen foar de Meksikaanske Unôfhinklikheidsoarloch yn 1810 makke. Yn 1867 waard keizer Maksimiliaan fan Meksiko op 'e Cerro de las Campanas yn 'e haadstêd fusillearre. Dat betsjutte de ein fan it Twadde Meksikaanske Keizerryk. Yn 1917 waard de hjoeddeiske Grûnwet fan Meksiko yn it Teatro de la República yn 'e stêd Querétaro fêststeld.
Geografy It lânskip fan 'e steat is ferdield yn twa haadregio’s. It súdlike part makket diel út fan 'e Meksikaanske Heechflakte en bestiet út fruchtbere dellingen en fulkanyske flakten, wylst it noarden dominearre wurdt troch de rûge bergen fan 'e Sierra Gorda. Dit noardlike berchgebiet is in biosfearreservaat mei in grutte biodiversiteit, fan woastinen oant tropyske reinwâlden. It klimaat is yn it suden meast drûch en myld, wylst it yn it berchtme fochtiger en koeler is.
Ekonomy Querétaro is ien fan 'e fluchst groeiende ekonomyske regio's fan Meksiko. De steat is in wichtich sintrum foar de loft- en romtefeartyndustry en de auto-yndustry. Fanwegen de strategyske lizzing en de goede ynfrastruktuer hawwe in soad ynternasjonale bedriuwen har hjir fêstige. Ek de wynbou is yn opkomst; de regio stiet bekend om syn mûssearjende wyn en tsiisproduksje.
Toerisme thumb|left|Cañón del Río Santa María. It histoaryske sintrum fan Santiago de Querétaro stiet op 'e Wrâlderfgoedlist fan UNESCO, benammen fanwegen de barokke arsjitektuer en it yndrukwekkende 18e-iuwske akwadukt. Oare wichtige lokaasjes binne:
Peña de Bernal: ien fan 'e grutste monoliten fan 'e wrâld, lizzend yn it doarp Bernal. Misiones de la Sierra Gorda: fiif 18e-iuwske fransiskaanske missyposten dy't ek op de UNESCO-list steane. Tequisquiapan: in populêr kueroard en sintrum fan 'e wynrûte.
Kategory:Steat fan Meksiko Kategory:Bestjoerlike ienheid oprjochte yn 1823