It Nasjonaal Park Jim Corbett is it âldste nasjonale park fan Yndia. It leit yn 'e distrikten Nainital en Pauri Garhwal fan 'e dielsteat Uttarakhand. It park waard yn 1936 oprjochte as it Hailey National Park om de bedrige Bingaalske tiger te beskermjen. Letter waard it park omneamd ta it Najonaal Park Ramganga en lang om let krige it de namme fan Jim Corbett, in Britske jager dy't letter in fûleindich natuerbeskermer waard. It totale reservaat beslacht 1.318,5 km², wêrfan 520,8 km² as nasjonaal park oanwiisd is (de kearnsône).
Skiednis thumb|left|Bingaalske tiger. It park is ferneamd nei Jim Corbett, in Britsk-Yndyske jager, natuerbeskermer en skriuwer, dy't in krúsjale rol spile by de stifting fan it reservaat. Yn 1973 wie it park de lokaasje dêr't it ferneamde Project Tiger lansearre waard, in lannelik inisjatyf fan 'e Yndiaaske oerheid om de tigers fan 'e ûndergong te rêden.
Geografy en ekology It park leit yn de heuvels fan 'e Siwaliks, oan 'e foet fan 'e Himalaya. It lânskip is tige fariëarre en bestiet út rivierbêden, berchskeanten, sompen en greiden. Likernôch 73% fan it park is mei bosk oerdutsen, wêrby't de Sal-beam (Shorea robusta) de meast foarkommende beamsoarte is. De rivier de Ramganga streamt troch it park en foarmet in wichtige wetterboarne foar de bisten.
Floara en fauna It park is wrâldwiid ferneamd om syn grutte populaasje tigers. Njonken tigers libje yn it park û.o. Yndiaaske oaljefanten, loaihoarsen en ferskate soarten harten, lykas it axishart en it sambarhart en krokkedillen. Fierder wurde der mear as 580 ferskillende fûgelsoarten teld.
Toerisme It Nasjonaal Park Jim Corbett is ien fan 'e meast besochte natuerparken fan Yndia. Fanwegen de feiligens fan 'e bisten en de natuer is mar in beheind part fan it park tagonklik foar toeristen. De bêste tiid om it park te besykjen is fan novimber oant juny.
Boarnen en ferwizings Side fan it nasjonaal park.
Kategory:Uttarakhand Kategory:Nasjonaal park yn Yndia Kategory:Bestjoerlike ienheid oprjochte yn 1936