It fûgelskaai lytse reagers (Egretta) is in groep fan middelgrutte oant lytse reagers út de famylje fan 'e reagers (Ardeidae).
It skaai Egretta waard yn 1817 troch de Dútske natuerûndersiker Johann Reinhold Forster opsteld. De namme komt fan it Frânske wurd aigrette, dat lytse reager betsjut.
Under it skaai falle slanke, langpoatige waadfûgels dy't meast in wyt, griisblau of tsjuster fearrekleed hawwe. Se komme foar yn waarme en tuskenbeide kriten oer hast de hiele wrâld. De fûgels yn it skaai wurde 55 oant 70 sm lang. De fûgels hawwe in skerpe, rjochte snaffel foar it fangen fan fisk en oare wetterdieren. By guon soarten komme twa kleurfoarmen (ljocht en tsjuster) foar, lykas by de rifreager. Yn 'e briedtiid ha se lange sierfearren op 'e holle, hals of rêch en op guon soarten is yn 'e 19e iuw slim jage fanwegen dy fearren.
Yn 'e famylje reagerfûgels (Ardeidae) foarmje de soarten fan Egretta in nau besibbe groep mei guon soarten út it skaai reagers (Ardea). Ut molekulêr ûndersyk hat bliken dien dat de grinzen tusken dy skaaien yn it ferline net altyd dúdlik wiene en guon soarten binne earder yn oare skaaien set.
Se libje meast yn wiete gebieten lykas sompen, mûnings fan rivieren, mangroves, lagunes en kustgebieten. Guon soarten, lykas de kustreager en de rifreager, binne sterk bûn oan sâlt wetter en koraalriffen.
De soarten fan it skaai ite meast fisk, amfibyen, kreeften en ynsekten. Se briede faak mei oare soarten fûgels yn koloanjes, lykas ibissen of oare reagersoarten.
Guon soarten, lykas de Sineeske wite reager, steane ûnder druk troch habitatferlies en fersteuring fan briedgebieten. Oare soarten hawwe in grut ferspriedingsgebiet en binne algemien.
De typesoarte fan it skaai is de lytse wite reager, ien fan 'e meast fersprate soarten fan it skaai.
Soarten Ofbyld Fryske namme Wittenskiplike namme Fersprieding Status 120px bûnte reager Egretta picata Yndoneezje, Papoea Nij-Guineä, noardlik Austraalje net bedrigeEgretta picata op BirdLife International 120px wytwangreager Egretta novaehollandiae Austraalje, Nij-Seelân, Nij-Guineä, Yndoneezje net bedrigeEgretta novaehollandiae op BirdLife International 120px readhalsreager Egretta rufescens súdlik Feriene Steaten, Meksiko, Midden-Amearika, Kariben hast bedrigeEgretta rufescens op BirdLife International 120px swarte reager Egretta ardesiaca Afrika besuden de Sahara, Madagaskar net bedrigeEgretta ardesiaca op BirdLife International 120px readkielreager Egretta vinaceigula súdlik-sintraal Afrika kwetsberEgretta vinaceigula op BirdLife International 120px trijekleurreager Egretta tricolor Noard-Amearika, Midden-Amearika, Kariben, noardlik Súd-Amearika net bedrigeEgretta tricolor op BirdLife International 120px lytse blauwe reager Egretta caerulea Noard-Amearika, Midden-Amearika, Kariben, Súd-Amearika net bedrigeEgretta caerulea op BirdLife International 120px sniereager Egretta thula Noard-Amearika, Midden-Amearika, Kariben, Súd-Amearika net bedrigeEgretta thula op BirdLife International 120px lytse wite reager Egretta garzetta Jeropa, Afrika, Aazje, Austraalje net bedrigeEgretta garzetta op BirdLife International 120px kustreager Egretta gularis westlik Afrika, Reade See, Perzyske Golf, súdlik Aazje net bedrigeEgretta gularis op BirdLife International 120px Madagaskarkustreager Egretta dimorpha Madagaskar, eastlik Afrika, Komoaren, Seysjellen gjin status 120px rifreager Egretta sacra kustgebieten fan Súdeast-Aazje, Austraalje, Polyneezje net bedrigeEgretta sacra op BirdLife International 120px Sineeske wite reager Egretta eulophotes eastlik Aazje (briedgebiet); oerwinteret yn Súdeast-Aazje kwetsberEgretta eulophotes op BirdLife International
Kategory:Fûgelskaai
Kategory:Reagerfûgel