Auke IJkema, ek skreaun as Ykema (Sint-Nyk, 19 maart 1908 - Terherne, 3 july 1980) Stamboom Spriensma en Heidstra wie út namme fan de NSB boargemaster fan de gemeente Eastdongeradiel fan 1941 oant 1945. Hy folge dêr Frans Sijtsma op.
It oanstellen fan dy NSB-boargemasters markearret it begjin fan de saneamde 'Nije Oarder'. De beneaming foar de nije steatsoarder en - yndieling dy 't nazy-Dútslân yn syn eigen territoarium en, yn 'e Twadde Wrâldoarloch ek yn 'e besette gebieten, troch nazifisearring fan 'e hiele maatskippij ta stân bringe woe. Earst moasten de kandidaten de boargemasterkursus fan de NSB folgje. IJkema wie de earste NSB-boargemaster fan Fryslân. Hy krige de bynamme 'Domme Auke'.
In kranteberjocht út de fersetskrante Het Parool oer NSB-boargemaster Auke IJkema (25 septimber 1941):
IJkema Jr. is een eenigszins achterlijke jongeman. […] Intusschen was de jongeman – naar het voorbeeld van alle mislukkelingen – lid van de NSB geworden. Hij volgde den beroemden burgemeesterscursus van drie maanden en ziet – prompt werd hij daarop tot burgemeester benoemd. De gemeente Anjum (Friesland) werd het geluk beschoren met den mislukkeling opgescheept te worden.
Yn 1948 waard IJkema troch it Bysûnder Gerjochtshôf yn Ljouwert feroardiele ta seis jier en seis moanne finzenisstraf, mei ôftrek fan foararrest. Dêrneist waard him ûntsizzing fan it kiesrjocht oplein en it rjocht om in iepenbier amt te beklaaien ûntsein. Auke IJkema, www.oorlogsbronnen.nl
Auke IJkema stoar yn de âldens fan 72 jier yn Terherne.
Kategory:Boargemaster fan East-Dongeradiel Kategory:NSB-politikus Kategory:Frysk kollaborateur yn de Twadde Wrâldkriich Kategory:Persoan berne yn Sint-Nyk Kategory:Persoan stoarn yn Terherne Kategory:Persoan berne yn 1908 Kategory:Persoan stoarn yn 1980