Goaium is in buorskip yn de gemeente Súdwest-Fryslân. Goaium leit yn de Goaiumer en Surger Polder besuden Penjum, besúdeasten Surch en benoardwesten Wûns foar in part yn 'e himrik fan Surch en yn 'e himrik fan Wûns.
Namme De namme komt ek foar as Goyum, Goyem, Gooyem en Gooijum. Nei alle gedachten betsjut de namme "hiem fan Goaije of Goye".
Beskriuwing De buorskip ûntstie op in âlde terp. Dy is noch hieltyd te sjen yn it midden fan de buorskip dêr't trije pleatsen en in hûs omhinne lizze, en de Goaiumer Feart trochhinne rint. De buorskip leit oan de Goayumerleane, dy't ûnder Wûns falt en de Goayumerdyk, dy't ûnder Surch falt. Nijsgjirrich is dat de dyk/leane mei in "y" skreaun wurdt en de buorskip mei in "i". De fierderôf lizzende hûzen en pleatsen oan de Goayumerdyk/leane wurde ûnder Goaium rekkene. Ek de eardere buorskip Ottebuorren by Surch wurdt wol ta Goaium rekkene.
Súdwestlik fan de buorskip waarden yn 2022 trije wynmûnen fan Wynpark Nij Hiddum-Hou boud.
Sjoch ek Fryske doarpen, buorskippen en delsettings
Kategory:Surch Kategory:Wûns Kategory:Buorskip yn Wûnseradiel Kategory:Buorskip yn Súdwest-Fryslân