Johannes Adrianus Maria (Hans) van Tongeren (Breda, 18 jannewaris 1955 – Amsterdam, 25 augustus 1982) wie in Nederlânsk akteur.
Wurkpaad Van Tongeren debutearre yn 1980 yn de film Spetters fan regisseur Paul Verhoeven. Yn dy film spilet er Rien, in motorcrosstalint, dy't troch in ûngemak ferlamme rekket en yn in rolstoel bedarret. Castingdirector Hans Kemna wie Van Tongeren syn kroade by produsint Joop van den Ende en sadwaande krige er dy rol.
Nei it súkses fan Spetters spile Van Tongeren noch in tal byrôlen ynferskate Nederlânske films. Yn 1982 die er mei oan de Amerikaanske produksje Summer Lovers, mei as tsjinspilers Peter Gallagher en Daryl Hannah. Op 25 augustus dat jier makke er in ein oan syn libben.
Neffens de media yn dy tiid soe Van Tongeren, dy't in tal kearen yn pschiatryske kliniken opnaam west hie, him te folle mei de rollen dy't er spile idintifisearre hawwe. Krekt foar syn ferstjerren wie er cast foar de film Van de koele meren des doods; lykas yn Spetters soe er dêryn in selsmoardner spylje.
Hans van Tongeren kaam te hôf yn syn berteplak. Syn grêf hat allinne syn namme.
Filmografy Spetters (1980) - Rien Hartman Het oponthoud (telefyzjefilm, 1982) - Lex Summer Lovers (1982) - Jan Tolin De smaak van water (1982) - Stasjêr Pim (telefyzjesearie) - Assistint (1983)
Keppeling om utens Hans van Tongeren yn de IMDb
Kategory:Nederlânsk filmakteur Kategory:Nederlânsk telefyzje-akteur Kategory:Brabânsk persoan Kategory:Selsmoarddogger Kategory:Persoan berne yn 1955 Kategory:Persoan stoarn yn 1982