De echte foksen (wittenskiplike namme: Vulpini) foarmje in tûke fan 'e klasse fan 'e sûchdieren (Mammalia), it skift fan 'e rôfdieren (Carnivora), it ûnderskift fan 'e hûndieren (Caniformia), it tuskenskift fan 'e echte hûndieren (Cynoidea), de famylje fan 'e hûneftigen (Canidae) en de ûnderfamylje fan 'e echte hûneftigen (Caninae). Dizze taksonomyske groep omfettet de skaaien fan 'e foksen (Vulpes), de grutearfoksen (Otocyon) en de waskbearhûnen (Nyctereutes). De grize foksen (Urocyon) hearre lykwols net ta dizze groep, mar foarmje de sustertûke fan 'e grize foksen (Urocyonini).
Binnen de ûnderfamylje fan 'e echte hûneftigen ûnderskiede de echte foksen har fan 'e echte hûnen (Canini), troch in beheinder ferskaat oan lichemsgrutte, in spitsere snút en gruttere earen yn ferhâlding ta de lichemsgrutte. Echte foksen binne lânseigen op alle wrâlddielen mei útsûndering fan Oseaanje en Antarktika. It bekendste lid fan dizze tûke, de foks of reade foks, komt ek yn Fryslân yn it wyld foar. Itselde jildt foar de gewoane waskbearhûn, mar dat is yn Fryslân in eksoat.
Tûke-opbou
tûke echte foksen (Vulpini) skaai foksen (Vulpes) Afgaanske foks (Vulpes cana) Bingaalske foks (Vulpes bengalensis) feale foks (Vulpes pallida) fennek of woastynfoks (Vulpes zerda) foks of reade foks (Vulpes vulpes) grutearkitfoks (Vulpes macrotis) Kaapske foks (Vulpes chama) kitfoks (Vulpes velox) poalfoks (Vulpes lagopus) sânfoks (Vulpes rueppellii) steppefoks (Vulpes corsac) Tibetaanske sânfoks (Vulpes ferrilata) Vulpes alopecoides † Vulpes galaticus † Vulpes riffautae † skaai grutearfoksen (Otocyon) grutearfoks (Otocyon megalotis) skaai Prototocyon † skaai waskbearhûnen (Nyctereutes) Japanske waskbearhûn (Nyctereutes viverrinus) Nyctereutes abdeslami † Nyctereutes donnezani † Nyctereutes megamastoides † Nyctereutes sinensis † Nyctereutes tingi † Nyctereutes vinetorum † waskbearhûn of gewoane waskbearhûn (Nyctereutes procyonoides)
Kategory:Hûneftige