De strúsfûgeleftigen (wittenskiplike namme: Struthioniformes) foarmje in skift fan 'e klasse fan 'e fûgels (Aves), de ûnderklasse fan 'e moderne fûgels (Neornithes) en de tuskenklasse fan 'e âldkakigen (Palaeognathae). Ta dit skift heart mar ien famylje, nammentlik dy fan 'e strúsfûgels (Struthionidae). It skift omfettet fierders mar twa libbene soarten, nammentlik de (gewoane) strúsfûgel (Struthio camelus) en de Somalyske strúsfûgel (Struthio molybdophanes). De Somalyske strúsfûgel waard lange tiid as in ûndersoarte fan 'e gewoane strúsfûgel beskôge, en pas yn 2014, op grûn fan genetysk ûndersyk, as in selsstannige bistesoarte erkend. De strúsfûgeleftigen foarmje in sustertakson fan 'e echte âldkakigen, dêr't û.m. de kasuariseftigen (Casuariiformes) en de nandoe-eftigen (Rheiformes) ta hearre.
Skiftopbou
skift strúsfûgeleftigen (Struthioniformes) famylje strúsfûgels (Struthionidae) skaai Paleotis † Paleotis weigelti † skaai Orientornis † Orientornis linxiaensis † skaai echte strúsfûgels (Struthio) Somalyske strúsfûgel (Struthio molybdophanes) strúsfûgel (Struthio camelus) Súdafrikaanske strúsfûgel (Struthio camelus australis) Arabyske strúsfûgel (Struthio camelus syriacus) † Noardafrikaanske strúsfûgel (Struthio camelus camelus) Masaï-strúsfûgel (Struthio camelus massaicus) Struthio anderssoni † Struthio asiaticus † Struthio chersonensis † Struthio coppensi † Struthio daberasensis † Struthio dmanisensis † Struthio kakesiensis † Struthio karatheodoris † Struthio karingarabensis † Struthio mongolicus † Struthio oldawayi † Struthio transcaucasicus † Struthio wimani †
Kategory:Fûgelskift