Arjen Goodijk (Aldkleaster (Wûnseradiel), 19 oktober 1886 – Snits, 2 desimber 1952) wie in Nederlânsk arsjitekt.NAi: Goodijk, Arjen
Libben en wurk Goodijk waard berne yn Oldeklooster, ûnder Hartwert, as ienige soan fan feehâlder Gerrit Goodijk en Wietske Alberda.Persoansgegevens fan Arjen Goodijk arsjitekt yn Snits Hy studearre boukunde yn Amsterdam en festige him as arsjitekt yn Snits. Hy ûntwurp ônder oaren de gemeentehuzen foar de eardere gemeenten Baarderadiel en Doanjewerstâl, dy't beide oanwiisd binne as ryksmonumint.
Nei de Twadde Wrâldoarloch waard er lid fan de Commissie Oorlogsgedenktekens 1940-1945 Friesland. Hy wie belutsen by it ûntwerpen fan ûnder mear it oorlogsmonumint yn Snits (1950), De Hoanne yn Tjalhuizum (1951) en it monumint foar de fallenen yn Wâldsein (1954), wêrfan't it byldhouwurk dien waard troch syn sweager Willem Valk. Goodijk waard 1948 ek lid fan de Adfyskommisje Monumintesoarch en wie bestjoerslid fan de VVV in Snits en it Bûn fan Nederlânske Arsjitekten.
Goodijk wie in fûleinich rider, dy't fjouwer kear meidie oan de Alvestêdetocht. Hy stoar hommels oan in hertoandwaning doe't er by it troch him ûntwurpen Paviljoen Sneekermeer oan it reedriden wie."Architect A. Goodijk plotseling overleden", Ljouwerter Krante, 3 desimber 1952
Wurk (in kar) thumb|Gemeentehûs Baarderadiel Dûbele went oan de Stasjonsstrjitte 9 en 11 yn Snits (om 1920) Wenning oan de Veenweg yn Halfweg (1924), foar sweager en suster Willem en Ella Valk-Goodijk Paviljoen Snitsermar (1927) Paviljoen-hotel yn Snits (1932) Húshâldskoalle yn Snits (1935) Gemeentehûs Baarderadiel yn Mantgum (1938-1939) Ferbouwing Osingastate, gemeentehûs fan Doanjewerstâl yn Langwar (1939-1940) Kristlike legere skoalle yn Nijemardum (1952)
Kategory:Frysk arsjitekt Kategory:Frysk amtner Kategory:Nederlânsk arsjitekt Kategory:Nederlânsk amtner Kategory:Persoan berne yn Hartwert Kategory:Persoan stoarn yn Snits Kategory:Persoan berne yn 1886 Kategory:Persoan stoarn yn 1952