Isabel Ruiz Lucero, famkesnamme: Isabel Ruiz (Albuquerque (Nij-Meksiko), 30 maart 1989) is in Amerikaansk keunstskilderesse, yllustrator en striptekeneresse, dy't dêrnjonken aktyf is as ûndernimster.
Libben en karriêre Ruiz waard yn 1989 berne yn Albuquerque, yn 'e Amerikaanske steat Nij-Meksiko, as de dochter fan 'e Meksikaanske ymmigranten en ûnderwizers Ismael en Maria Ruiz. Oars as de measte Latino's is hja net roomsk grutbrocht, mar as lid fan 'e protestantske Sânde-Deisadvintisten. Ruiz folge de legere skoalle, middelskoalle en middelbere skoalle oan sânde-deisadvintistyske privee-ynstituten. Doe't se learlinge wie oan 'e Sandia View Academy, yn Corrales, mette se yn 2004 Mario Lucero, mei wa't se op 24 oktober 2014 (persiis tsien jier nei harren earste ôfspraakje) troude.
Nei de middelbere skoalle mei goed gefolch ôfrûne te hawwen, learde Ruiz troch yn kompjûterkunde, mar hja briek har stúdzje ôf om Lucero te helpen by de mantelsoarch foar syn deminte pake en beppe. Yn 2006 rjochte Ruiz mei Lucero it multymediabedriuw Heaven Sent Gaming op, dêr't hja noch altyd (2015) wurksum is, as direktrise, COO, en keunstneresse. Sy en Lucero binne ferantwurdlik foar de measte publikaasjes fan it bedriuw.
Keppeling om utens Heaven Sent Gaming-profilen: Isabel IMDB-profilen: Isabel Ruiz Lucero Conservapedia-profilen: Isabel Ruiz Lucero CelebritiesGalore-profilen: Isabel Ruiz Lucero
Kategory:Amerikaansk ûndernimmer Kategory:Amerikaansk striptekener Kategory:Amerikaansk keunstskilder Kategory:Amerikaansk yllustrator Kategory:Amerikaansk persoan fan Meksikaansk komôf Kategory:Persoan berne yn 1989