Mario J. Lucero (folút Mario Julian Lucero; Albuquerque (Nij-Meksiko), 8 juny 1988) is in Amerikaansk ûndernimmer, dy't yn 2006 mei Isabel Ruiz it bedriuw Heaven Sent Gaming oprjochte.
Libben en karriêre Lucero waard yn 1988 berne yn Albuquerque, yn 'e Amerikaanske steat Nij-Meksiko, as de soan fan cowboy Haracio Pargas en Cathleen Lucero. Hy hat twa susters. Syn âlden giene útinoar doe't er noch hiel lyts wie, en hy waard grutbrocht troch syn mem en fanôf in jier as tsien troch syn pake en beppe oan memmekant, Joe M. Lucero, in pinsjonearre frachtweinsjauffeur, en dy syn frou Antonia "Toni" Lucero.
Op 'e middelbere skoalle kaam Lucero yn 'e kunde mei Isabel Ruiz, en yn 2004 krigen se in relaasje. Persiis tsien jier nei harren earste ôfspraakje, op 24 oktober 2014, trouden se mei-inoar. Ruiz is in sânde-deisadvintist, wylst Lucero roomsk is. Nei de middelbere skoalle folge Lucero in oplieding yn kompjûterkunde, mar dy joech er deroan om 'e mantelsoarch foar syn demint wurden pake en beppe op him te nimmen. Yn 2006 rjochte er mei Ruiz it multymediabedriuw Heaven Sent Gaming op, dêr't er behalven as CEO ek wurksum foar is as ûntwerper.
Keppeling om utens Heaven Sent Gaming-profilen: Mario IMDB-profilen: Mario J. Lucero Conservapedia-profilen: Mario J. Lucero CelebritiesGalore-profilen: Mario J. Lucero
Kategory:Amerikaansk ûndernimmer Kategory:Amerikaansk webstee-ûntwerper Kategory:Amerikaansk persoan fan Spaansk komôf Kategory:Persoan berne yn 1988