Berend (Bé) Nijenhuis (It Hearrenfean, 16 novimber 1914 - 1 jannewaris 1972) wie in Nederlânsk skriuwer en sjoernalist fan protestantske sinjatuer. Hy skreau romans en koarte ferhalen mei in eksistinsjalistyske tematyk.
Libben en wurk Bé Nijenhuis waard opbrocht yn It Hearrenfean yn in húshâlding mei trije bern. Heit wie winkelman. Hy gie in tal jierren nei Ulo en dêrnei nei de Hannelsskoalle. Nijenhuis wurke as fertsjintwurdiger (tou, tsiis, segaren) en fersekeringsagint. Yn 1935 ferhuze de húshâlding Nijenhuis nei De Bosk en in stik as wat jierren letter nei Arnhim. Dêr hat er belidenis fan syn leauwe ôflein yn de grifformearde tsjerke. Yn de Twadde Wrâldoarloch hat er ûnderdukt west en fersetswurk dien. Hy waard arrestearre en hat in skoft fêst sitten yn Kamp Amersfoart. Dy ûnderfining hat him in trauma besoarge dêr't er nea direkt oer skreau hat, Bé Nijenhuis: een miskend schrijver, yn: Frysk Deiblêd, 15 novimber 2014, s. 12.Nei de oarloch die er sjoernalistyk wurk foar ûnder oaren it deiblêd Trouw. Bé Nijenhuis is syn hiele libben frijfeint bleaun.
Bé Nijenhuis wie in kristlik skriuwer. Fjouwer fan syn boeken ferskynden yn de VCL-rige (Vereniging tot bevordering van Christelijke Lectuur) fan Utjouwerij Kok. Dat is in kristelike boekerige mei abonnees dy't yn 1843 oprjochte waard.Webside VCL-searje (deade kepp.) Nijenhuis syn earste roman Dossier 333 waard fan 9 maaie 1955 ôf as harkspul yn trije dielen útstjoerd troch de NCRV.
Yn kristlike fermiddens wiene Nijenhuis syn boeken modern en ûngewoan en hy siet boppedat by in útjouwerij dy't meast streekromans brocht. Hy ferwurke eksistinsjalistyske temas yn syn wurk. Hy skreau ek spannende en koartswilige ferhalen. Nijenhuis woe gjin preker as ferkundiger wêze. "Ik ben noch dominee, noch heilssoldaat, noch evangelist", hat er oer himsels sein. Hoewol't syn twadde roman Laatste wagon goed besprutsen waard yn de lanlike parse en troch guon saakkundigen sels fergelike waard mei wurk fan in Graham Greene en Fjodor Dostojevski, is syn wurk bûten kristlike fermiddens net sa bekend wurden.
Oeuvre Dossier 333, Kampen: Kok 1952 Laatste wagon, Kampen: Kok 1954 De familie Heesters, Kampen: Kok 1955 De tornado, Kampen: Kok 1956 (opnaam yn de CLO 15, in kanon fan kristlike literatuer. Yn 2014 wertaald troch Hans Werkman) De hordenloop van J. Kobald, Kampen: Kok 1958 Tok, tok, tok, al weer geen ei, Kampen: Kok 1965 Inspecteur Raynoldi en zijn arrestante, Kampen: Kok 1971 De kruik is gebroken, en drie andere verhalen, Kampen: Kok 1979 (keazen en ynlaat fan Hans Werkman)
Biografy (2015) Spitten en (niet) moe worden. Leven en werk van Bé Nijenhuis (1914-1972), Kampen : Kok. ISBN 90-242-2448-9
Kategory:Frysk sjoernalist Kategory:Frysk romanskriuwer Kategory:Frysk koarte-ferhaleskriuwer Kategory:Frysk fersetsstrider yn de Twadde Wrâldkriich Kategory:Frysk misdieslachtoffer Kategory:Nederlânsk sjoernalist Kategory:Nederlânsk romanskriuwer Kategory:Nederlânsk koarte-ferhaleskriuwer Kategory:Nederlânsk fersetsstrider yn de Twadde Wrâldkriich Kategory:Underdûker yn de Twadde Wrâldkriich Kategory:Oerlibbene fan Kamp Amersfoart Kategory:Nederlânsk persoan fan Frysk komôf Kategory:Persoan berne op It Hearrenfean Kategory:Persoan berne yn 1914 Kategory:Persoan stoarn yn 1972