De Seis Dagen fan de Ferneatiging, yn it oarspronklike Ingelsk: The Six Days of Destruction (folút: The Six Days of Destruction: Meditations Towards Hope) is in bondeltsje fan likernôch fyftich siden ta eare fan Yom ha-Shoah (Holokaustbetinkingsdei), mei seis essays oer de holokaust en twa liturgyen foar joadske en kristlike betinkings.
It is skreaun troch de Joadsk-Amerikaanske skriuwer, heechlearaar, polityk aktivist, Nobelpriiswinner en holokaustoerlibbene Elie Wiesel (1928), yn gearwurking mei de Amerikaanske rabbyn Albert H. Friedlander (1927-2004), en waard foar it earst publisearre yn 1988.
Yn 2006 waard it troch Jacobus Knol fan Dokkum oerset yn it Frysk, ûnder de titel De Seis Dagen fan de Ferneatiging. Spitigernôch koed er der gjin útjouwer foar fine, dat Knol hat de oersetting inkeld foar himsels printsje en ynbine litten, mar hy is nea yn 'e hannel kommen.
Kategory:Literêr wurk fan Elie Wiesel Kategory:Essaybondel Kategory:Holokaustliteratuer Kategory:Ingelsktalich non-fiksjewurk Kategory:Non-fiksjewurk út 1988 Kategory:Fryske oersetting