Dolsterhuzen is in doarp yn de gemeente De Fryske Marren, earder Lemsterlân. It doarp hat likernôch 260 ynwenners. De oarspronklike kearn fan it doarp leit dêr't de dyk ticht by de Tsjûkemar rint. Under it doarp falle de buorskippen Sânbuert en in part fan Fjouwerhûs. Omdat oant 1984 Ychtenbrêge yn twa gemeenten lei, mei de grins troch de Pier Christiaanssleat, waard it part dat dêrfan yn Haskerlân lei ek ta Dolsterhuzen rekkene. Dy brêgebuorren foarmet no it grutste part fan Dolsterhuzen, al is de gemeentegrins yn 1984 ferdwûn.
It doarp hat ynwenners (, boarne: CBS).
Skiednis left|thumb|Dolsterhuzen By de gemeentlike weryndieling yn 1984 is Dolsterhuzen by de gemeente Lemsterlân komd. Eartiids lei it doarp yn de gemeente Haskerlân en oant 1934 yn de gemeente Skoatterlân, hokker gemeente no foar in grut part de gemeente It Hearrenfean is. Dolsterhuzen hat in lange histoarje, it leit yn in leechfeangebiet en hat in oerflak fan 1145 ha. De namme soe komme fan it Aldfryske wurd ‘delva’ wat ôfgroeven of ôfgroeven grûn betsjut. Tink hjirby ek oan dolle. De huzen oan de dolde grûn dus Dolsterhuzen.
It doarp lei yn de Sânwâlden. Dat gebiet wie yn de earste helte fan de 15e iuw ûntstien út in ferbûn fan sân dielen, nammentlik: Utingeradiel, Aenjewier, Easterseesterlân, Murderlân, Haskerlân, Skoatterlân en Doanjewerstâl. De ferfeanings dy't yn omlizzende plakken al in grutte omfang oannomd hienen, binne hjir folle letter op gong komd. Hjir en dêr wie in lyts begjin (graverijke), mar de echte ferfeaning kaam pas op gong yn de twadde helte fan de 19e iuw. It gebiet fan Dolsterhuzen hat hjirtroch in metamorfoaze ûndergien. Dat der yn Dolsterhuzen yn earder tiden in soad bosk west hat, bewize de stobben dy't by de lânûntginning en drûchmakking fan feangatten foar it ljocht komd binne. It gebiet om Dolsterhuzen wurdt yn it easten begrinze troch de Broeresleat, oan de noardkant troch de Tsjûkemar, bewesten troch de Pier Christiaanssleat en yn it suden troch de âlde rivier de Tsjonger. Sa kenne wy no it doarp mei oanswettend buorskip de Sânbuert. It gebiet hat syn wiidsheid behâlden, mar hat noch dúdlik de skaaimerken fan in feanpoldergebiet.
Mienskip Ferieningen Fuotbalferiening Dolsterhuzen Foar oare ferienings, sjoch de side Ychtenbrêge
Tsjerke Protestanske tsjerke oan de Marwei
Befolking + Befolkingsûntjouwing 1954 1959 1964 1969 1973 2007 2021 558 545 559 481 408 424 455
Ynfrastruktuer
Bustsjinst Troch Dolsterhuzen rint de folgjende busline:
Line 48: De Lemmer - It Hearrenfean fia Sint-Jânsgea
De busline troch Dolsterhuzen wurdt fersoarge troch Qbuzz.
Strjitten Baalder, De Kampen, Kettingpaad, Marwei, Tsjongerpaad, Trekkerswei, Westerse Dyk.
Sjoch ek Fryske doarpen.
Keppeling om utens Webstee fan Dolsterhuzen, Ychten en Ychtenbrêge Dolsterhuzen op de kaart
Kategory:Doarp of stêd yn Skoatterlân Kategory:Doarp of stêd yn Haskerlân Kategory:Doarp of stêd yn Lemsterlân Kategory:Doarp of stêd yn De Fryske Marren