thumb|Tinkstien foar Ulbe Piers Draisma op de súdmuorre fan de tsjerke fan Achlum (2014) Ulbe Piers Draisma (Achlum, 22 febrewaris 1785 - dêre, 18 july 1830) wie boer dy't ferskate boargerlike funksjes ferfold hat. Yn Achlum is in strjitte nei him neamd.
Draisma en oaren rjochten yn 1811 in ûnderlinge brânfersekering op dy't ta bloei kaam. Dy boarchmaatskippij (Onderlinge Waarborgmaatschappij Achlum) stie oan de basis fan de hjoeddeiske fersekerder Achmea.
Op 1 augustus 1814 waard er troch Skout en Gemeenteried fan Almenum as gemeentesekretaris keazen, in amt dat er oant 1 oktober 1816 besette. Ek yn oktober fan dat jier waard er beneamd ta majoar by it bataljon lânstoarm no. 13, dêr't er ûnder kolonel Gorddernesi stie. yn 1819 waard er dyksdeputearre fan de Contributie der Vijf Deelen Buitendijks.
Op 19 novimber 1826 boaske er oan Baukjen Jans Hoitinga, boerinne te Mullum, widdo fan Age Andries Boersma.
Yn 1829 stifte er mei syn skoansoan Foppe Draisma de Vries in dakpannefabryk.
Kategory:Frysk boer Kategory:Frysk assuradeur Kategory:Frysk ûndernimmer Kategory:Frysk bestjoerder Kategory:Frysk amtner Kategory:Frysk ofsier Kategory:Persoan berne yn Achlum Kategory:Persoan stoarn yn Achlum Kategory:Persoan berne yn 1785 Kategory:Persoan stoarn yn 1830