Piterbuorren (Nederlânsk en offisjeel: Pieterburen; Grinslânsk: Paiderboeren) is in plak yn it noarden fan de provinsje Grinslân, yn de gemeente It Hegelân (oant 1 jannewaris 2019 gemeente De Marne). Op 1 jannewaris 2021 hie it doarp 440 ynwenners.
Skiednis Piterbuorren wurdt foar it earst yn 1371 yn in oarkonde neamd: de parochianen fan Sint Piter yn it nije lân. De earste fernijing fan de tsjerke fan Piterbuorren is fan 1448.
Justjes noardlik fan it doarp stie oant 1903 de boarch Dijksterhuis, de lêste Grinslânske boarch dy't ôfbrutsen waard. By de sloop waarden de stiennen fan de boarch brûkt foar it bouwen fan hûzen yn Piterbuorren.
It besjen wurdich De goatyske Petrustsjerke mei in pneumatysk oargel yn de kast fan it Schnitgeroargel en houtfykwurk fan Allert Meijer en Jan de Rijk. De botanyske geatún, Domies Toen. De nôt- en pelmûne, De Vier Winden, út 1846. Themaheerdt, in monumintale pleats oan de Oudedijk
Nijsgjirrich Yn Piterbuorren wie de bekende seehûnekresj fan Lenie 't Hart, no fêstige yn Lauwerseach mei de namme WEC It doarp is in startplak foar waadrinners. Justjes benoarden it doarp stie oant 1903 de boarch Dijksterhuis.
Sport en rekreaasje By kafee Bij de buren van Pieter begjint (of einiget) it Piterpaad. Troch it doarp rint de Europeeske Kuierrûte E9, hjir North Sea Trail of Waad- en Wierepaad neamd.
Kategory:Plak yn It Hegelân Kategory:Plak yn De Marne (Grinslân)