De Mars is in nôtmole en ryksmonumint yn De Blesse.
Skiednis De achtkante boppekruier waard yn 1834 boud foar de famylje Schlecht. Yn 1916 ferkocht in neisiet út dy famylje de mole oan in koöperaasje mar Schlecht bleau ynearsten noch mûnder.
Nei 1919 waard in elektromotor as oanfolling op de oandriuwing troch wyn ynstalearre. Yn 1925 briek in roede en 1927 waard it âlde mealwurk ferwidere en it wjukkekrús derôf helle. Yn 1958 waard ek it achtkant sloopt, wylst de ûnderbou jimmeroan mear ynsletten waard troch bedriuwsgebouwen.
Nei ferkeap fan de mole oan in partikulier yn 1985 ûntstiene der plannen foar werbou, dy't yn 1997 útein sette en yn 1999 foltôge wie. Foar de weropbou waard it achtkant brûkt fan de eardere poldermûne fan Swarte Harne. De mole is ferneamd nei de eigener.
Frijwillige mûnders litte de mole geregeldwei draaie.
Beskriuwing It wjukkekrús hat roeden mei in flecht fan 18,20 meter. De wjukken hawwe âldhollânsk stekwurk mei seilen. De ynrjochting bestiet út ien koppel mealstienen.
Keppeling om utens Moledatabase
Kategory:De Blesse Kategory:Mole yn Weststellingwerf Kategory:Ryksmonumint yn Weststellingwerf Kategory:Stellingmole Kategory:Nôtmole Kategory:Bouwurk út 1834 Kategory:Bouwurk sloopt yn 1927 Kategory:Bouwurk út 1999