Hendrik Botes Comter (Skiermûntseach, 1818 - dêre, 20 septimber 1849) wie in Frysk dichter dy't yn it Skiermûntseagersk skreau.
Comter makke as kaptein in soad reizen nei de tropen en wie sa'n tweintich jier de dichter fan Skiermûntseach. Der is in list fan syn gedichten dy't 134 titels telt. Njoggen yn it dialekt fan Skiermûntseach.
Doe't jhr. M. de Haan Hettema en Ds.R. Posthumus fan Waaksens it eilân besochten yn 1849, joech de kommys de Haan harren in manuskript fan it fers 'Op het Neije Jiear' fan de krekt ferstoarne dichter. It waard pleatst yn de Provinciale Friesche Courant fan 25 novimber 1849. Neffens Wumkes is der in hânskrift fan Comter yn de Provinsjale Bibleteek te Ljouwert.
Kategory:Frysk seeman Kategory:Frysk dichter Kategory:Skriuwer yn it Skiermûntseagersk Kategory:Persoan berne op Skiermûntseach Kategory:Persoan stoarn op Skiermûntseach Kategory:Persoan berne yn 1818 Kategory:Persoan stoarn yn 1849