Johannes Ysbrands Galama (Tsjerkwert, 24 febrewaris 1885 - Dachau, 20 juny 1942), wie in Nederlânsk pastoar te 's-Heerenberg.
Galama waard berne as sânde bern fan Ysbrand Galama en Aaltje van der Wey. Syn mem stoar in heal jier nei syn berte, en syn heit stoar doe't Galama ien jier wie.Jan Ysbrands Galama op www.ysa.nl
Fan 30 jannewaris 1932 oant syn dea wie Galama warber yn de Pancratiustsjerke te 's-Heerenberg. Yn de Twadde Wrâldkriich warskôge er, mei syn twa kapelaans, M. van Rooijen en R. Hegge, de pleatslike befolking foar de lear fan de NSB. Neidat de Gestapo der lucht fan krige hie waarden hja alletrije oppakt en fêstset yn it hûs fan bewar fan Arnhim. Yn de oanklacht dy't sy yn it proses-ferbaal te hearren krigen hjitte it dat: "Haben Deutschfeindlichen Brief verbreitet und das Volk deutschfeindlich beeinflüszt". Galama stoar nei tamtearrings mei 57 jier yn it konsintraasjekamp Dachau.
Yn Fryslân wurdt er op 20 juny betocht.
Kategory:Frysk pastoar Kategory:Frysk fersetsstrider yn de Twadde Wrâldkriich Kategory:Frysk misdieslachtoffer Kategory:Nederlânsk pastoar Kategory:Nederlânsk fersetsstrider yn de Twadde Wrâldkriich Kategory:Nederlânsk misdieslachtoffer Kategory:Roomsk-katolyk preester Kategory:Persoan omkommen yn Dachau Kategory:Nederlânsk persoan fan Frysk komôf Kategory:Persoan berne yn Tsjerkwert Kategory:Persoan berne yn 1885 Kategory:Persoan stoarn yn 1942