De Súdsineeske See is in rânesee fan de Grutte Oseaan. De see beslacht in gebiet mei in grutte fan om-ende-by 3.500.000 km² tusken de Strjitte Karimata en de Strjitte fan Taiwan. De Strjitte Malakka ferbynt de see mei de Yndyske Oseaan. De Golf fan Tailân en de Golf fan Tonkin meitsje der diel fan út.
Der lizze inkele hûnderten eilannen yn dizze see, dêr't Hainan fierwei it grutste fan is.
Yn westerske talen ferwiist de namme fan de see nei Sina, mar yn Fjetnam hjit de see "Eastsee" (Bien Dong). Der binne lannen, wêrûnder de Filipinen, dy't it tige beswierlik fine dat de namme Súdsineeske See brûkt wurdt, omdat dat betsjutte soe dat de Sinezen soevereiniteit oer de see hawwe.
Lannen dy't oan dizze see grinzgje binne: Sina, Taiwan, de Filipinen, Maleizje, Brûnei, Yndoneezje, Singapore, Tailân, Kambodja en Fjetnam.
Polityk De see is geopolityk fan grut belang omdat troch de see de op ien nei drokst befearne seerûte yn de wrâld leit. Alle dagen wurde mei skippen goed 1,6 m³ (10 miljoen fetten) rûge oalje troch de Strjitte Malakka transportearre.
Noch net sa lang lyn binne ierdoaljereserves, fan likernôch 1,2 km³ (7,7 miljard fetten), fûn. De ierdgasreserves wurde skatten op 7500 km³.
Waarkunde Yn de perioade fan jannewaris oant april is sprake fan min waar yn de Súdsineeske See, dat ferskynsel wurdt de Crachin neamd.
Kategory:Rânesee fan de Grutte Oseaan Kategory:See yn Aazje Kategory:Wetter yn Brûnei Kategory:Wetter yn de Filipinen Kategory:Wetter yn Fjetnam Kategory:Wetter yn Kambodja Kategory:Wetter yn Maleizje Kategory:Wetter yn Sina Kategory:Wetter yn Singapoer Kategory:Wetter yn Tailân Kategory:Wetter yn Taiwan Kategory:Wetter yn Yndoneezje