thumb|Beatrix de Rijk Beatrix de Rijk (Soerabaja, 1883 - Den Haach, 18 jannewaris 1958) wie de earste Nederlânske frou dy't har fleanbrevet helle. Hja wie tige sportyf oanlein, spile tennis en koe al betiid autoride.
De Rijk groeide op yn Nederlânsk-Ynje, it tsjintwurdige Yndoneezje). Letter bedarre hja yn Parys, om model te wurden, en naam fleanlessen by René Hanriot (1867-1925) yn Bétheny. Op 6 oktober 1911 krige se fleanbrevet nr. 652 útrikt troch de Aéro Club de France. De Rijk kaam út in begoedige famylje, dat hja koe in eigen fleanmasine keapje, in Blériot Libelulle. Sy joech der in stikmannich fleandemonstraasjes mei. Yn it begjin fan de Earste Wrâldkriich bea hja har tsjinsten oan by de Nederlânske- en Frânske loftmacht, mar hja waard wegere. Sûnt wie it dien mei de fleanderij. Hja troude en ferfarde mei har man nei Ynje. Yn de Twadde Wrâldkriich sneuvele harren ienige soan en ferdwûn har man sûnder in spoar nei te litten yn Atjeh.
Oan de ein fan har libben hie De Ryk it tige krap. De Koninklijke Nederlandse Vereniging voor Luchtvaart organisearre dêrom yn 1952 in helpaksje om har te stypjen. "Behoeftige aviatrice Beatrix stoar yn de âldens fan 74 jier.Beatrix de Rijk in alle eenvoud begraven
Kategory:Nederlânsk loftfeartpionier Kategory:Nederlânsk piloat Kategory:Nederlânsk persoan berne yn Nederlânsk-Ynje Kategory:Persoan berne yn 1883 Kategory:Persoan stoarn yn 1958