thumb|Jackson yn 2003 Michael Joseph Jackson (Gary (Indiana), 29 augustus 1958 - Los Angeles, 25 juny 2009) wie in Amerikaanske popsjonger. Hy wurdt ta de populêrste sjongers fan de 20e iuw rekkene. Jackson ûnderskate him mei troch syn hege werkenbere Kastraateftige sjongstim, syn dûnsen (bygelyks syn 'Moonwalk') en syn grutte muzikaal ferskaat.
Jackson hat yn syn karriêre 13 Grammy Awards wûn, en hy hie 13 nûmer-1 hits yn syn solo-karriêre. Hy hat 750 miljoen cd's oer de hiele wrâld ferkocht. Jackson stiet yn it Guinness World Records boek as "meast súksesfolle artyst ea".
Libben Jackson is hikke en tein in de stêd Gary yn de steat Indiana, it is in yndustriëel gebiet en in foarstêd fan Chicago. By him thús wienen se mei njoggen bern, dêr't Jackson de sânde fan wie. Syn mem wie by de Jehova's Tsjûgen. Syn heit hat him geastlik en lichaamlik tramtearre, hy twong syn bern om te sjongen sûnder skoft. De tramtaasjes dy't er as bern krigen hat hawwe him foar de rest fan syn libben skeind.
thumb|Jackson yn 1984 Jackson stie al as lytse jonge op it poadium mei syn bruorren, as The Jackson 5, mei in kontrakt by Motown. As tsiener, begûn er yn 1971 in solokarriêre. De tachtiger jierren wiene syn toptiid. Hy hie it measte súkses mei it album Thriller, dêr't hast 108 miljoen eksimplaren fan ferkocht binne en dat al mear as 25 jier it bêst ferkochte album ea is. Ek it album 'Bad' wie oeral op de wrâld in súkses.
Letter, doe't syn populêrens ôfnaam, waard hoe lang hoe mear omtinken jûn oan syn aparte hâlden en dragen, bygelyks mei syn kosmetyske operaasjes. It levere him de bynamme 'Wacko Jacko' (nuvere Jack) op. Fan 1993 ôf kaam Jackson hieltyd mear yn it nijs yn ferbân mei ûndersteld ûnseedlik gedrach foar lytse jonges oer. Hy is lykwols nea skuldich achte en nea feroardiele.
Sûnt 2006 wie er yn 'e slach mei in comebackalbum. Dêrfoar soe er gearwurkje mei û.o. Akon, Chris Brown en 50 Cent. Fan dat album wienen der al ferskate nûmers klear foar syn dea, mar de cd hat Jackson net mear sjoen.
Op 5 maart 2009 kundige Jackson oan dat er yn july fan dat jier yn Londen in rige konserten jaan soe mei de namme "This is It". It hiene ôfskiedskonserten wurde moatten. De konserten soene wêze yn de O2 Arena yn Londen, fan 8 july ôf.
Jackson waard tongersdei 25 juny 2009 yn in sikehûs yn Los Angeles yn koma opnommen nei't er in hertstilstân hân hie yn syn wente. Twa oeren nei oankomst yn it sikehûs (Ronald Reagan UCLA Medical Centre) is de dea fêststeld. De krekte oarsaak is noch ûnwis. De begraffenisseremoanje, dy't ynternasjonaal útstjoerd waard, fûn plak yn Los Angeles op 7 july 2009.
Diskografy thumb|Jackson syn stjer op de Hollywood Walk of Fame Albums Got to Be There (1972) Ben (1972) Music and Me (1973) Forever, Michael (1975) Off the Wall (1979) Thriller (1982) Bad (1987) Dangerous (1991) HIStory: Past, Present and Future, Book I (1995) Invincible (2001)
Autobiografyen 1988: Moonwalk 1992: Dancing The Dream 2004: Biography of Michael Jackson
Tours thumb|291x291px|Logo fan Michael Jackson syn Bad World Tour 1988
Mei The Jacksons/Jackson 5 The Jacksons Tour (1977–1978) Goin' Places Tour (1978) Destiny World Tour (1979) Triumph Tour (1981) Victory Tour (1984) – lêste toernee mei Michael; neitiids wie d'r noch ien toernee sûnder him
Solo Bad World Tour (1987–1989) Dangerous World Tour (1992–1993) HIStory World Tour (1996–1997) This Is It (2009–2010) – skrast
Keppelings om utens
Sony's Offisjele Michael Jackson webstee Michael Jackson op Allmovie Rock and Roll Hall of Fame page oer Michael Jackson Michael Jackson's Stambeam Michael Jackson Fan Club
Kategory:Amerikaansk sjonger Kategory:Amerikaansk popartyst Kategory:Amerikaansk lietsjeskriuwer Kategory:Amerikaansk dûnser Kategory:Amerikaansk koreograaf Kategory:Amerikaansk dance-artyst Kategory:Amerikaansk muzykprodusint Kategory:Amerikaansk filmprodusint Kategory:Amerikaansk filmakteur Kategory:Amerikaansk ûndernimmer Kategory:Amerikaansk filantroop Kategory:Amerikaansk autobiograaf Kategory:Grammy-winner Kategory:Amerikaansk muzikant fan Afro-Amerikaansk komôf Kategory:Amerikaansk dûnser fan Afro-Amerikaansk komôf Kategory:Amerikaansk koreograaf fan Afro-Amerikaansk komôf Kategory:Amerikaansk produsint fan Afro-Amerikaansk komôf Kategory:Amerikaansk akteur fan Afro-Amerikaansk komôf Kategory:Amerikaansk ûndernimmer fan Afro-Amerikaansk komôf Kategory:Amerikaansk filantroop fan Afro-Amerikaansk komôf Kategory:Amerikaansk skriuwer fan Afro-Amerikaansk komôf Kategory:Persoan berne yn 1958 Kategory:Persoan stoarn yn 2009 Kategory:Fideoklipregisseur