Abraham (Bram) Stoker (Dublin, 8 novimber 1847 – Londen, 20 april 1912) wie in Iersk skriuwer bekend om syn sensasjonele ferhalen yn it horrorsjenre. Syn namme is foaral ferbûn mei it boek Dracula út 1897. Dêrneist skreaun er ek noch mysterieuze romantyske ferhalen.
Stoker hat in protte siik west in syn jonge jierren. Hy studearre oan de Universiteit fan Dublin skiednis, letterkunde en wis- en natuerkunde. Syn neifolgjende baan as amtner befoel him min, dat hy de sjoernalistyk yn gie. As teaterkritikus kaam er yn 'e kunde mei de ferneamde akteur Henry Irving, mei wa't er befreone rekke en dy't er begeliede op yn- en útlânske toernees. Ek wie Stoker lang manager fan Irvings Lyceum-theater yn Londen. Troch syn wurk en reizgjen hie er kontakt mei tal fan bekende artysten en lju út hegere maatskiplike fermiddens.
Stoker syn fampiereferhaal Dracula is faak ferfilme. De ynspiraasje dêrfoar fûn er yn in al besteand fampiereferhaal fan John Polidori. De legindes oer de wrede midsiuwske Walachyske hearsker Vlad Țepeș, dy't as Dracula bekend wurden is, hawwe dêr lykwols net folle mei te krijen.
Bibliografy The Crystal Cup (samling koarte ferhalen, 1872) The Primrose Path (1875) The Chain of Destiny (novelle, 1875) The Snake's Pass (1890) The Watter's Mou' (1895) The Shoulder of Shasta (1895) Dracula (roman, 1897) Miss Betty (1898) The Mystery of the Sea (1902) The Jewel of Seven Stars (1903) The Man (k bekend as: The Gates of Life) (1905) A Life of Irving, in biografy oer Henry Irving (1906) Lady Athlyne (1908) The Lady of the Shroud (1909) Famous Imposters (1910) The Lair of the White Worm (ek bekend as: The Garden of Evil) (1911) The Bram Stoker Bedside Companion (1914, koarte ferhalen) Dracula's Guest and Other Weird Stories (1914, ferhalen)
Keppeling om utens Wurk fan Bram Stoker yn literature.org
Sjoch ek Goatyske roman
Kategory:Iersk romanskriuwer Kategory:Iersk koarte-ferhaleskriuwer Kategory:Iersk horrorskriuwer Kategory:Iersk fantasyskriuwer Kategory:Ingelsk romanskriuwer Kategory:Ingelsk koarte-ferhaleskriuwer Kategory:Ingelsk horrorskriuwer Kategory:Ingelsk fantasyskriuwer Kategory:Ingelsk persoan fan Iersk komôf Kategory:Persoan berne yn 1847 Kategory:Persoan stoarn yn 1912 Kategory:Dracula