Daugavpils 280px Kaart Wapen 180px|senter 75px|senter Vlag 90px|senter|raam Land Gewes 20px Letgallen (Latgale) Koördinate Stigting (eerste verwysing) 1275 Stadstatus 1582 Oppervlakte: - Totaal 72,37 vk km Hoogte bo seevlak 105 m Bevolking: - Totaal (2024) 77 799 - Bevolkingsdigtheid 1 100/vk km Tydsone UTC +2 (OET) - Somertyd UTC +3 (OEST) Klimaat - Tipe Kontinentaal-gematig - Gemiddelde jaarlikse temperatuur 6,6 °C - Gem. temp. Januarie/Julie −4,1 / 18,1 °C - Gemiddelde jaarlikse neerslae 635,4 mm Burgemeester Andrejs Elksniņš Amptelike webwerf www.daugavpils.lv
Daugavpils (Lets: [ˈdauɡaupils], ; Letgallies: Daugovpiļs, [ˈdaʊgoupʲilʲs]; Duits: Dünaburg, [ˈdyːnaˌbʊʁk], ; Pools: Dyneburg, [dɘˈnɛburk], ; Russies: Даугавпилс, Daugavpils, [ˈdaʊɡəfpʲɪɫs]; Jiddisj: דענענבורג, Denenburg, דינאַבורג, Dinaburg of דווינסק Dwinsk) is die tweede grootste stad van Letland na die hoofstad Riga met 'n oppervlakte van 72,37 vierkante kilometer en 'n bevolking van 77 799 in 2024. Die stad is in die suidooste van Letland langs die Daugava-rivier geleë en beskik oor 'n universiteit. Vandag is Daugavpils een van die nege "republiek-stede" van Letland.
duimnael|links|Die Universiteit van Daugavpils Die verskeidenheid name, wat Daugavpils reeds in sy geskiedenis gehad het, weerspieël die belang wat Europese moondhede as veroweraars in Letland gestel het. Die stad is oorspronklik in die 13de eeu as Dünaburg deur ridders van die Duitse Orde gestig. Die Pole het dit later Dvinsk genoem, terwyl die Russiese tsare, wat die gewes Letgalle vanaf 1772 by hul ryk ingelyf het, die naam Borisoglebsk ingevoer het.
Dikwels het die veroweraars hul veldslagte in of naby Daugavpils gevoer en tydens die Tweede Wêreldoorlog is die stad selfs volledig verniel. Die Sowjet-maghebbers het min omgegee vir Daugavpils se argitektoniese erfenis en die stad vanaf 1945 as 'n nywerheidsentrum met eenvormige woonstelblokke heropgebou.
Die vestiging van nuwe nywerhede was aan die immigrasie van werkers uit ander dele van die Sowjetunie verbonde sodat tans sewe uit elke tien inwoners etniese Russe is. Daarnaas gee ook die historiese stadskern se tipies klassisistiese straatrooster, wat in die vroeë 19de eeu aangelê is en voorsiening vir besonder breë strate gemaak het, 'n sterk Russiese voorkoms aan Daugavpils.
Met die Holocaust het Daugavpils ook sy sterk Joodse invloed ingeboet. Voor 1940 is die stad merendeels deur Joodse burgers bewoon, maar hiervan het in 1945 slegs 492 mense oorleef. Vandag bly die demografiese erfenis van die Sowjet-tydperk 'n vraagstuk – baie etniese Russe is verbitter dat hulle ná die onafhanklikwording van Letland dikwels as vreemdelinge beskou word.
Eksterne skakels
Amptelike webwerf
Kategorie:Nedersettings in Letland