Daniel P. Schutte (gebore op 13 Junie 1947 in Pretoria) is 'n afgetrede Suid-Afrikaanse politikus. Schutte was agtereenvolgens lid van die Nasionale Party, die Nuwe Nasionale Party (1997-1999) en laastens van die Nasionale Aksie. Hy was parlementslid vir die kiesafdeling Pietermaritzburg-Noord (1977-1981/1987-1989), van Natal (1989-1994) en KwaZulu-Natal (1994-2000). Gedurende sy termyn in die volksraad was hy die Minister van Binnelandse Sake (1993-1994) in die Kabinet van F.W. de Klerk en leier van die Nasionale Party/Nuwe Nasionale Party in KwaZulu-Natal (1994-1999).
Biografie Danie Schutte is 'n gegradueerde in ekonomie en die regte aan die Universiteit van Stellenbosch, en het aanvanklik as advokaat gepraktiseer voordat hy in 1977 as lid van die Nasionale Party tot die volksraad verkies is vir Pietermaritzburg-Noord. In 1981 word hy deur Graham McIntosh, die kandidaat van die Progressiewe Federale Party (PFP) verslaan, wen sy setel in die 1987-verkiesing terug, maar is weer in die algemene verkiesing van September 1989 verslaan. In F.W. de Klerk se regering was hy agtereenvolgens adjunkminister vir korrektiewe dienste, geheime dienste, arbeid en onderwys. In 1993 word hy aangestel as Minister van Binnelandse Sake.
Kategorie:Afrikaners Kategorie:Geboortes in 1947 Kategorie:Lewende mense Kategorie:Politici van die Nasionale Party Kategorie:Suid-Afrikaanse ministers van binnelandse sake