Calico Jack (regte naam John Rackham, ook soms Jack Rackham genoem; 26 Desember 1682 - 18 November 1720) was ’n Engelse seerower wat in die vroeë 18de eeu in die Bahamas en Kuba werksaam was. Sy bynaam kom van die kalikoklere wat hy gedra het en van die feit dat "Jack" ’n bynaam vir "John" is.
Lewe thumb|links|Kaptein Jack Rackham op ’n sigaretkaart. Rackham was teen die einde van die goue era van seerowery (1718-1720) aktief. Hy is daarvoor bekend dat hy twee vroulike bemanningslede gehad het: Mary Read en sy minnares, Anne Bonny.
Rackham het Charles Vane vervang in sy posisie as kaptein van die sloep Ranger en het toe deur die Benedewindse Eilande, die kanaal tussen Jamaika en Hispaniola en die Bowindse Deurvaart rondgevaar. Hy het in 1719 ’n begenadiging aanvaar en na New Providence in die Bahamas getrek, waar hy Anne Bonny ontmoet het; sy was in dié tyd met James Bonny getroud. Hy het in 1720 na seerowery teruggekeer deur ’n Britse sloep te steel, en Anne het by hom aangesluit. Hulle nuwe bemanning het Mary Read ingesluit wat haar in dié tyd as ’n man vermom het.
Ná ’n kort ruk is Rackham in 1720 deur die seerowerjagter Jonathan Barnet van die Britse vloot gevang, deur die goewerneur van Jamaika sir Nicholas Lawes laat verhoor en in November daardie jaar in Port Royal, Jamaika, gehang.
Verwysings
Nog leesstof
Nelson, James L. (2004) A Short Life and A Merry One. Ithaca NY: McBooks.
Johnson, Captain Charles; red. Hayward Arthur L., A history of the robberies and murders of the most notorious pirates from their first rise and settlement in the island of Providence to the present year, Londen: George Routledge & Sons, Ltd. 1ste druk 1724. "The Tryals of Captain John Rackam and Other Pirates", 1721, deur Robert Baldwin, in The Colonial Office Records in The Public Records Office at Kew, (ref: CO 137/14f.9). Oor die verhore van Jack Rackam, Mary Read, Anne Bonny en Charles Vane.
Skakels
Kategorie:Seerowers Kategorie:Geboortes in 1682 Kategorie:Sterftes in 1720