220px Музей В. И. ЛенинаW.I. Lenin-museum
Lenin-museumkompleksin Gorki Leninskije
120px
Wladimir Iljitsj Lenin 1870−1924
Geopen in
1987
Ligging
160px
Gorki Leninskije
Moskou-oblast
Status
Staats- en historiese museumkompleks
Webtuiste
Lenin-museum
Die Staats- en Historiese Museumkompleks van Gorki Leninskije, kortweg Lenin-museum genoem, is gewy aan die lewe van die rewolusionêre Sowjetleier en grondlegger van die Sowjetunie, Wladimir Lenin. Terwyl sy gebalsemde liggaam in die Lenin-mausoleum vlakby die Moskouse Kremlin vertoon word (volgens 'n besluit van Josef Stalin en teen Lenin se wil en uitdruklike wens), fokus die museumkompleks - wat uit die voormalige Gorki-herehuis en 'n nuwe museumgebou uit die laaste fase van die Sowjetbewind bestaan - op Lenin se privaat lewe en enkele tegnologiese prestasies uit die Sowjet-tydperk. So word hier Lenin se dodemasker, 'n replika van sy Moskouse Kremlinkantoor, sy biblioteek met duisende boekdele in tien tale en sy privaat voertuig, 'n Rolls Royce Silver Ghost Kégresse (een van slegs vyftien wêreldwyd), vertoon. duimnael|links|Die gerestoureerde Rolls Royce Silver Ghost Kégresse van 1914, wat in die museum vertoon word, is oorspronklik in 1916 vir tsaar Nikolaas II omgebou tot 'n wintervoertuig. Later was dit in Lenin se besit Die museum se fokus is in die post-Sowjettydperk, analoog met die amptelike herwaardering van Lenin deur Wladimir Poetin as die "vernietiger van Rusland",The Moscow Times, 21 Januarie 2016: Putin Slams Lenin for Laying 'Atomic Bomb' Under Russia. Besoek op 3 Mei 2020 verskuif na die argitektoniese en kulturele geskiedenis van die landgoed wat temidde van 'n aantreklike landskapstuin geleë is, sowel as die 20ste eeuse geskiedenis en die lewe van die streek se plattelandse bevolking.
Verwysings
Eksterne skakels
http://russianmuseums.info/M446
Kategorie:Museums in Rusland