Natura Siberica is 'n Russiese handelsmerk en vervaardiger van organiese kosmetiek en skoonheidsmiddels met unieke bestanddele wat uit wilde Siberiese kruie en plante geëkstraheer word. Die onderneming, wat in 2007 deur die Russiese sakeman Andrei Troebnikof gestig is en sy produkte onder meer deur sy eie winkelketting bemark, het sy hoofkwartier in Moskou. The New York Times, 26 Mei 2017: A Russian Businessman’s Road From Siberia to Success. Besoek op 2 Mei 2020 Sy vlagskipwinkel is eweneens in die Russiese hoofstad se hoofwinkelstraat Twerskaja geleë.
Op buitelandse markte word Natura Siberica se kosmetiekprodukte dikwels in samewerking met plaaslike ondernemings bemark; so is daar 'n samewerking begin met die Duitse kosmetiekwinkelketting dm wat Natura Siberica-produkte aanlyn en in sy winkels verkoop. Die onderneming het ook tot die Suid-Afrikaanse mark toegetree, met Pick'n'Pay as een van sy plaaslike vennote.
Natura Siberica bemark sy produkte met reekse vir vroue en mans, wat ook tandpasta met minerale uit Kamtsjatka insluit, wêreldwyd. ZDF heute, 27 Oktober 2019: Naturkosmetik aus Russland - Sibiriens Beauty-Boom - Kräuter für die Welt. Besoek op 2 Mei 2020 Die onderneming het die grootste organiese boerdery in Chakassië, Siberië langs die oewer van die Jenisei in besit wat volgens die Europese Unie se biostandaard-verordening EU 834/2007 gesertifiseer isEUR-Lex Access to European Union law: Official Journal of the European Union - Council Regulation (EC) No 834/2007 of 28 June 2007. Besoek op 2 Mei 2020 en waar 'n tiental skaars Siberiese plante op 33 hektaar verbou word, met bykomende organiese boerderye op die Kamtsjatka-skiereiland, op die eiland Sachalin en op die eiland Koenasjir in die See van Ochotsk, sowel as produksie-aanlegte in Skotland (waar Skotse distels in die Alladale-natuurbewaringsgebied in samewerking met Natura Siberica geoes en met Siberiese plant- en kruie-ekstrakte vermeng word), Estland en Roemenië. Natura Siberica beskik daarnaas oor sy eie trop jakke wat jakmelk oplewer - een van die inheemse bestanddele vir die onderneming se kosmetiekprodukte.
Siberiese kruie en plante is al eeue lank deur inheemses vir geneeskundige doelwitte en as skoonheidsmiddels gebruik en was ook gewild by lede van die Tsarefamilie. Moderne navorsing is gedurende die 1940's deur die Russiese plantkundiges Lazaref en Brechram gedoen wat meer as 4 000 Siberiese kruie en plante ondersoek het. Twaalf van hulle is as besondere adaptogene geïdentifiseer - plantspesies wat die uiterste klimaattoestande van die Ystydperk oorleef en perfek by die uitdagings van Siberië se klimaat aangepas het. Hul terapeutiese gebruik kan die verouderingsproses van die vel vertraag.
Verwysings
Eksterne skakels Kaart
Kruiespesies in die Russiese Federasie wat deur Natura Siberica wild in hul natuurlike habitat geoes word
Kategorie:Russiese maatskappye