Osei Tutu II (gebore as Nana Barima Kwaku Duah op 6 Mei 1950) is die 16de Asantehene, of koning van die Asjanti. Hy is op 26 April 1999 gekroon.Kingdom of Ashanti Kings And Queens Of Asante. Deur sy naam is hy ’n direkte opvolger van die 17de-eeuse stigter van die Asjantiryk, Osei Tutu I. Hy is ook die kanselier van die Kwame Nkrumah-universiteit van Wetenskap en Tegnologie.
Lewe Hy is op 6 Mei 1950 gebore as Nana Barima Kwaku Duah, die derde seun en jongste kind van Nana Afia Kobi Serwaa Ampem II, koninginmoeder van die Asjanti. Sy pa, Nana Kwame Boakye-Dankwa, was van Kantinkyere in Asjanti. Toe hy sowat vyf jaar oud was, het hy in die huis van sy oom, Oheneba Mensah Bonsu, die Hiahene, gaan woon as voorbereiding vir sy toekomstige rol.
Hy het in Kumasi skoolgegaan. Daarna is hy na die Londense Metropolitaanse Universiteit, waar hy ’n graad in menslikehulpbronnebestuur en openbare administrasie verwerf het. Op 11 Januarie 2006 is ’n eredoktorsgraad aan hom togeken.
Ná ’n tyd in Kanada het hy in 1985 na Londen teruggekeer en onder meer sy eie verbandfinansieringsmaatskappy, Primoda Financial Services Limited, gestig. Hy het in 1989 na Ghana teruggekeer en ’n vervoersaak begin. Op 26 April 1999 het hy die Asantehene geword.
Verwysings
Eksterne skakels Amptelike webtuiste
Kategorie:Asjantiryk