duimnael|Arthur Seyss-Inquart Arthur Seyss-Inquart (Duitse: Seyß-Inquart (hulp·info); 22 Julie 1892 - 16 Oktober 1946) was 'n Oostenrykse Nazi-politikus wat in 1938 twee dae lank as kanselier van Oostenryk gedien het, voor die anneksasie van Oostenryk deur Nazi-Duitsland (die Anschluss).
Tydens die Eerste Wêreldoorlog het Seyss-Inquart met onderskeiding vir die Oostenryk-Hongaarse leër geveg. Na die oorlog het hy 'n suksesvolle prokureur geword en by die regerings van die kanseliers Engelbert Dollfuss en Kurt Schuschnigg aangesluit. In 1938 het Schuschnigg bedank weens 'n Duitse inval, en Seyss-Inquart is as sy opvolger aangestel. Die pas geïnstalleerde Nazi's het die mag na Duitsland oorgedra, en Oostenryk word daarna die Duitse provinsie Ostmark, met Seyss-Inquart as sy goewerneur (Reichsstatthalter).
Na die val van die Lae Lande in die Tweede Wêreldoorlog is Seyss-Inquart as Reichskommissar van die besette Nederland aangestel. Hy het 'n skrikbewind ingestel, met Nederlandse burgerlikes wat aan dwangarbeid onderwerp is, en die oorgrote meerderheid Nederlandse Jode gedeporteer en vermoor is.
Tydens die Neurenberg-verhore is Seyss-Inquart skuldig bevind aan oorlogsmisdade en misdade teen die mensdom, ter dood veroordeel en tereggestel.
Bronnelys
Graf, Wolfgang: Österreichische SS-Generäle. Himmlers verlässliche Vasallen. Hermagoras-Verlag, Klagenfurt/Ljubljana/Wien 2012, . Koll, Johannes: Arthur Seyß-Inquart und die deutsche Besatzungspolitik in den Niederlanden (1940–1945). Böhlau, Wien [u. a.] 2015, . Koll, Johannes: From the Habsburg Empire to the Third Reich: Arthur Seyß-Inquart and National Socialism. In: Günter Bischof, Fritz Plasser, Eva Maltschnig (Hrsg.): Austrian Lives ( Contemporary Austrian Studies, Bd. 21). University of New Orleans Press/Innsbruck University Press, New Orleans/Innsbruck 2012, S. 123–146, .
Zebhauser, Helmuth: Alpinismus im Hitlerstaat. Gedanken, Erinnerungen, Dokumente. Dokumente des Alpinismus, Band 1. Rother, München 1998, .
Eksterne skakels
Kategorie:Duitse ministers Kategorie:Duitse Nazi's Kategorie:Duitse oorlogsmisdadigers Kategorie:Duitse tereggestelde mense Kategorie:Eerste Ministers van Oostenryk Kategorie:Oostenrykse militariste Kategorie:Oostenrykers in die Eerste Wêreldoorlog Kategorie:Advokate Kategorie:Luitenante Kategorie:Mense in die Sjoa Kategorie:Ministers van Binnelandse Sake Kategorie:Ministers van Verdediging Kategorie:SS-bevelvoerders Kategorie:Geskiedenis van Nederland Kategorie:Geboortes in 1892 Kategorie:Sterftes in 1946