Carrol Heather Boyes (21 November 1954 –14 Augustus 2019) was 'n Suid-Afrikaanse kunstenaar, ontwerper en sakevrou. Sy was bekend vir haar luukse huis- en leefstylprodukte wat in 31 lande verkoop is.
Sy het in Pretoria en op 'n plaas naby Tzaneen grootgeword. Sy het beeldhouwerk aan die Universiteit van Pretoria bestudeer en daarna onderwys gegee. Op 35 verlaat sy die onderwys en word 'n voltydse kunstenaar. Sy het bekend geword vir haar eetgerei kunswerke met mense temas.
Haar lewensmaat was Barbara Jackson, 'n bekende pottebakker en kunstenaar. Hulle het twee dogters Martine en Kim gehad.
Sy sterf op 14 Augustus 2019 in die ouderdom van 65 ná 'n kort siekte. Sy word oorleef deur haar twee dogters, twee broers en drie kleinkinders.
Verwysings
Kategorie:Geboortes in 1954 Kategorie:Sterftes in 2019 Kategorie:Suid-Afrikaanse entrepreneurs Kategorie:Suid-Afrikaanse kunstenaars