Desiré Delano Bouterse (13 Oktober 1945 – 23 Desember 2024 De Ware Tijd, ‘Bouterse maandagavond overleden’, 27 Desember 2024 Starnieuws, Ambassades tekenen condoleanceregister in Ocer, 27 Desember 2024) was 'n Surinaamse militêre leier en staatshoof, asook die Nasionale Demokratiese Party (NDP) se voorsitter.
duimnael|links|upright|Desi Bouterse as militêre leier van Suriname in 1980 Bouterse se naam word vereenselwig met die militêre bewind wat Suriname van 1980 tot die begin 1990's beheer het. Op 25 Februarie 1980 het 'n militêre junta onder leiding van Bouterse 'n staatsgreep in Suriname uitgevoer. Hoewel die President in sy pos behou is, was die Voorsitter van die Nasionale Militêre Raad onder Bouterse die de facto heerser totdat hy in 1988 bedank het. Hy was self die president in 1982.
Bouterse was 'n leidende figuur in die burgeroorlog wat na-onafhanklikheidswording in Suriname uitgebars het en word blameer vir die sogenaamde Desember-moorde in 1982. Hy is ook beskuldig van betrokkenheid by dwelmhandel, en 'n Nederlandse hof het hom in absentia skuldig bevind aan onwettige kokaïenhandel in Julie 1999. Hy was steeds woonagtig in Suriname en kon nie uitgelewer word aan Nederland nie, vanweë sy status as voormalige staatshoof.
Ná die oorgang tot burgerlike regering, wat deur onderskeidelik Ronald Venetiaan, Jules Wijdenbosch en later weer Venetiaan gelei is, het Bouterse onsuksesvol gepoog om staatshoof te word in die algemene verkiesings.
Hoewel Bouterse in Nederland skuldig bevind is, was hy steeds op vrye voet in Suriname. Die Surinaamse regering is tans onsuksesvol besig om die Desember-moorde en Bouterse se rol daarin te ondersoek. Hy het enige betrokkenheid aan die moorde ontken.
By die verkiesings van 2010 is Bouterse verkies tot president van Suriname. Hy was president tot 2020, toe sy party die verkiesing verloor het en Chan Santokhi van die VHP president geword het.
Vonnis en dood Bouterse is op 29 November 2019 deur die Surinaamse krygsraad tot twintig jaar tronkstraf gevonnis vir die Desember-moorde. Hy het egter teen sy skuldigbevinding geappelleer, en het vry gebly, afwagtend die appèluitspraak in Desember. Hy het nie vir die uitspraak opgedaag nie en het daarna weggekruip.
Desi Bouterse is op 23 Desember 2024 in die ouderdom van 79 oorlede ná 'n kort siekbed by sy skuilplek.
Verwysings
Eksterne skakels
Kategorie:Geboortes in 1945 Kategorie:Sterftes in 2024 Kategorie:Diktators Kategorie:Kolonels Kategorie:Kriminele Kategorie:Presidente Kategorie:Surinaamse militariste Kategorie:Surinaamse politici