Tadamichi Kuribayashi (Japannees: 栗林忠道 Kuribayashi Tadamichi; 7 Julie 1891 - ca. 26 Maart 1945) is gebore in die Nagano-prefektuur in Japan. Kuribayashi was 'n Luitenant-Generaal in die Keiserlike Japannese Weermag en was meestal bekend as die hoof van die keiserlike garnisoen op die eiland van Iwo Jima gedurende die Tweede Wêreldoorlog.
Kuribayashi was aangestel deur die eerste minister Hideki Tojo om Iwo Jim te verdedig. Hy het 20 000 soldate onder sy beheer gehad met geen lugmag of vloot nie en dit teen 'n Amerikaanse mag van 100 000 soldate. Gedurende die oorlog het slegs 296 Japannese soldate oorgegee. Kuribayashi het vele briewe aan sy familie geskryf wat 'n goeie historiese perspektief oor die Slag van Iwo Jima geskep het.
Lewe voor die oorlog Kuribayashi was van samoerai-afkoms en ook 'n aristokraat. Hy was 'n gedidukeerde familie man en het ook baie briewe aan sy vrou, seun en dogter geskryf gedurende sy reise. Kuribayashi het skoolonderrig in Kanada gekry en in 1928 het hy twee jaar as 'Adjunk militêre attache' in Washington, D.C. gedien. Gedurende hierdie tyd het hy deur die Verenigde State getoer en baie oor Amerikaanse produksie geleer en dit het net sy oortuiging versterk dat Japan nooit in 'n oorlog met Amerika betrokke moet raak nie. Ten spyte van sy kontroversiële standpunt was hy een van die min soldate wat 'n afspraak met keiser Hirohito gehad het.
Kuribayashi in films Kuribayashi is gespeel deur Ken Watanabe in Letters from Iwo Jima, 'n film geskep deur Clint Eastwood oor die Slag van Iwo Jima deur die Japannese se perspektief.
Kategorie:Japannese militariste Kategorie:Japannese in die Tweede Wêreldoorlog Kategorie:Generaals Kategorie:Geboortes in 1891 Kategorie:Sterftes in 1945